（急！！）我隻貓女絕育後唔肯食野

大多數的動物在手術後十二至二十四小時內顯得困倦欲睡，這是麻醉後產生的反應，請勿坦心‧以慣常食物及飲料餵飼，但份量應比平常少‧寵物在飲食後可能會嘔吐，這也是麻醉後產生的反應，請勿坦心。

手術後數天內，要儘量讓動物休息，大多數的動物在手術後一兩日內會行動自如‧ 為免動物舔咬傷口或咬扯縫線，可購買特制頭套。 若寵物持續嘔吐、縫線扯掉、傷口異常紅腫及大量異常液體流出，請聯絡你的獸醫。
而生理方面就是要特別注意感染的問題, 因為母貓比公貓更容易感染傷口, 不要讓牠或其他貓咪舔到傷口, 不要吃太鹹的食物。如果可以的話請準備水煮雞胸肉幫貓咪補充營養。你亦可以俾少少濕糧引貓貓食。但如果貓貓精神不佳, 又食慾不振, 就要睇 vet。
貓貓要盡量困籠, 不要俾貓貓有太多活動, 以免傷口爆裂； 一定要帶頸圍。一個星期就好, no problem!


2008-08-18 20:32:22 補充：
1) 幾日唔食野唔會餓死，但一定要飲水。獸醫話貓狗同小孩子一樣，你不能迫佢食，佢肚餓會自己食。但水一定要迫佢飲，因為 24 小時不飲水就好容易缺水。

2) 頭套一定要用，你就算睇住佢都冇貓貓動作 kam 快；而且貓女好少活動不等如冇活動，一不留神就手尾長。

3) 水煮雞胸肉同罐頭係貓的極品，你試試啦！

4) vet = 獸醫

俾貓罐頭(魚)引佢食

2008-08-17 13:32:41 補充：
去做絕育手術後帶貓番屋企唔肯食野，
有主人到街市買了紅衫魚，蒸熱、起骨、用手壓碎、上碟。 刺激到貓的味覺，貓會叫嚷著要吃。 一口氣把魚吃的一乾二淨 。 (而且可把藥放入魚裡) 。蒸碟內的水=湯,可先放涼後給貓飲,貓會很喜歡飲的.
或用清蒸乳鴿 , 拆肉撕絲出來餵貓 。蒸時碟內的水=鴿湯 -放涼咗就可俾貓飲。

我隻貓都個咗絕育手術, 起初都唔肯食嘢, 我咪同佢傾計, 傾咗一個鐘, 安慰佢, 之後, 佢就慢慢食返嘢. 飲返水啦.

千祈唔好除左頭套, 否則將線弄斷, 傷口會爆線, 到時要再縺針就唔好啦.

如果遲遲唔食嘢, 打電話問吓獸醫啦. 佢地會教你.