金庸筆下誰最有錢？

我諗會係「書劍恩仇錄」嘅乾隆帝愛新覺羅弘曆，其時正值康乾盛世，這位自稱十全老人嘅皇帝，想怕不會比任何一位中國歷史上嘅皇帝窮咖。

2008-08-16 12:18:02 補充：
但係我哋唔應該行業歧視嘅，皇帝都係人丫嗎 ;)
就算計埋大遼王、南帝、康熙、崇禎，佢哋嘅版圖都係唔夠啞Mr.十全老人嘅版圖大，雖然冇成吉思汗嘅版圖咁大，但係佢擁有當時世界人口嘅三分之一，同時重天下太平。所以其富裕可想而知。而俄國彼德大帝都要等到佢嘅外孫新抱 Catherine the Great 始完成帝俄光輝一頁噃。

2008-08-18 11:07:00 補充：
peter兄所言甚是，但係書劍恩仇錄裡面嘅乾隆帝俾個"哎吔"細佬老nap，重屈佢自己篡自己位，我諗都唔係得晒歷史上嗰個乾隆嘅，勉強都總算係個金庸筆下人物掛 ?
雖然啲大汗細汗版圖大，又搶咗唔小現兜兜cash，但係我諗幫佢哋搶嘢嗰班手足未必個個都係免費志願工作者，開支都會幾龐大吓咖。
加上連年征戰，民不聊生，未必會有康乾盛世，國泰民安嗰陣時嘅GDP咁高嘅。
而且金庸筆下好多其他主角人物，都好似對金銀珠寶有敏感症咁嘅(?) 打生打死囉到藏寶圖又唔去掘寶，雪山飛狐係咁，連城訣係咁，鹿鼎記又係咁 <:]

金庸最有錢! 金生的書三四十年, 還是很多人看!

吳三桂!!
堂堂一個手握重兵嘅藩王, 有權有勢有錢. 淨係睇建寧公主將佢個仔去勢, 吳三桂火速趕去時塞俾韋小寶嘅賄賂, 已經知佢大把錢!
非歷史人物我就選第一係昭明郡主趙敏! 當時蒙古國勢強盛, 趙敏老豆又得權, 應大把$$. 第二係段譽老豆鎮南王段正淳. 一國儲君, 窮極有限. 佢兩個都有可能有錢過韋小寶.
韋小寶本身財富起源係抄鰲拜家, 開頭得幾十萬兩.之後又獻咗成百萬兩俾康熙. 所以應唔夠段正淳有錢.
姑蘇慕容前朝餘臣, 無$$. 其他果d九難胡斐, 東邪西毒, 郭靖黄蓉, 張無忌, 楊過, 裘千尺, 陳家洛等, 武功或高, 錢銀應唔多.

2008-08-16 10:57:37 補充：
我係無計皇帝 / 國王. 否則蕭峰個契哥大遼之主, 未做和尚前嘅南帝, 康熙, 九難老豆崇禎, 陳家洛大佬乾隆, 甚至俄國彼德大帝家姐蘇菲亞公主.....都好有錢.

2008-08-16 11:08:20 補充：
呢個問題極有趣. 請容小弟贊助2分.

2008-08-16 16:18:50 補充：
哈哈pokemono兄你真風趣!! 行業歧視!! 笑死我!
但阿hoipinglove兄係問金庸筆下人物嘛! 比較皇帝邊個有錢邊好玩?! 無乜意思啫!
而且阿大汗同佢四滴細汗東征西討攻池撂地, 加上版圖大, 未必唔夠李鳳姐條仔有錢喎...

2008-08-16 16:20:25 補充：
搶番嚟嘅...現兜兜 cash 扑扑...快靚正...