新牌仔買車,咩野都唔識,麻煩幫幫手~!!!

http://www.28car.com/
可上以上網站睇睇. 格下價先. 我架車都係呢度搵番黎 ka. 新牌仔, 最好買 D 冇尾車啦. 因易泊又易睇位. 如 Honda Jazz, Toyota Echo 或 Yaris, 三菱既 Colt 咁. 不過 Yaris / Colt 都較新故較貴. 唔岩你 budget. Jazz 都好似未跌到 $25000. 故或者你搵下 Echo la. Echo 又易揸, 又慳油. 細細架又易泊位. 而且機件較少問題.
出一架車, 除車價之外. 仲要比牌費, 保險. 牌費係比政府的. 一年一次. 1500cc 以下車仔一律 $3929. 出左張證, 要貼係車頭玻璃左上角. 至於保險, 人人都要買的. 如果你架唔係新車, 唔使被迫買全保啦. 可只買三保. 保費則視乎牌齡, 車種, 車價而定. 如果你係新牌, $25000 車三保. 約$3-4000 保費啦. 又係一年需續一次 ka.