數碼相機的功能一問

1.EV平移,即係曝光補償
一般相機的平均測光係以整個畫面亮度計算的,同埋係假設所有物體都係18%灰免,遇上畫面有特別光或者暗的地方,又或者大片淺色或者深色的物件,就會以為整個畫面好光或者好暗而影到張相暗咗或者光咗.加減EV就係拍攝者主動修正翻呢啲錯誤.+EV即係影翻光啲,-EV即係影翻暗啲.至於嗰啲數字就係加減既程度,1.0即係光一倍,效果同增加一倍快門時間的光度相同
http://www.dcfever.com/learn/viewglossary.php?glossary_id=24
2.AF區
選擇對焦點的分佈方法.
廣闊對焦區,相機會盡量搵最近的物體對焦,好處係構圖就影得,但係亦有可能搵錯.
重點對焦,對焦範圍收窄到中央很小範圍,拍攝者要自己先半按快門對準主體,保持半按再構圖先可以全按快門拍攝.
如果你係用單鏡反光機,仲多一項可以揀中央以外的對焦點.
3.ISO敏感度
等於菲林的感光度,越高快門可以越快,光圈可以越細而獲得相同曝光值,但缺點是會增加雜訊.
4.閃光強度 (+2, +1, 0, -1, -2)
閃燈同樣有測光問題會輸出過多或過小,+1, -1等於調節閃光燈的EV,閃光啲或者唔閃咁光.