請問魚缸燈點樣選擇好?

你個缸７寸高，我相信長度唔會過一尺。細缸o黎講，如果養魚夾燈其實都夠啦。種草的話ｔ８／ｔ５管o既腳架燈都足夠。樓上講到鹵素燈，都係「聽人講好似好好」，不求甚解。其實燈管類型同水深有關，因為不同管有不同穿透力，水愈深，穿透力要愈高先去到泥面，草先唔會追光。你個缸得七寸高，ｔ８管都夠哂。
咁唔代表迷你草缸唔用得夾燈，但係夾燈多數用ＰＬ管（筷子管），管身比較短，如果你個缸係冇乜留白位／木石景，想搞個「單品」草原景（如迷你牛毛／迷矮），咁光源集中可能會令兩邊稍暗，出現追光（草拉長生、變幼）。反之，如果個缸有一邊放木石，咁o個邊就可以冇燈啦，皮費就可以調低。
除佈局外，另一點要考慮o既係：陰草定陽草？
老實講，七寸高o既缸仔，扣泥扣缸頂，得五寸水深，種陽草真係好惡搞，剪草剪到手軟。如果種陽草，缸有１０Ｌ，你最多買１０Ｗo既燈好啦。因為火數代表能量，火數太強，能量就俾藻吸收，結果係爆藻或綠水。陰草的話，一半都可以。陰草缸太光，莫絲會生得好快，黑木蕨等ｄ葉會巨大化，對你個缸仔唔係好事。俾我揀，我會揀莫絲、迷矮、迷你寶塔、迷你椒草，加（迷你）水榕扎木，都可以好靚啦。
有腳架o既燈，你唔撞佢落水、唔濕水其實都基本上安全o既。夾燈比較輕，只要支架唔鬆，結構上唔會有問題。最大問題反而係電力安全：多數燈仔都係大陸製，而腳架o既亦一樣。o個ｄ aquagem、dasz 全部都係架啦。最緊要留意唔好好長時間一直開住，注意散熱，出入風位（隙位）唔好俾塵塞住。
ａａ係我唯一一個用過會出煙o既牌子。當年我老豆個缸，全套都係呢個牌子，過濾器個泵半夜出燈，好彩家姐去廁所發現（唔係可能燒死左我呢個廳長）！另外支燈亦都用用下出煙，呢次係我發現。當然，咁講返都十幾年前啦，今時今日ｑｃ可能好左，但我對佢都仲好有介心。
防水就冇架啦，但凡有塊膠片o係燈罩，隔開彈上o黎o既水珠o既，都已經算有防水，但意外跌入水的話，就一定會跳掣，手快捉得切、唔浸濕火牛，都應該冇事o既。我都試過換水時跌過一邊落水，但一秒就執返起，冇o野，因為燈罩同檔水o個塊膠片都包住好多空氣，沉得慢。

2008-08-16 09:58:40 補充：
「佢有塊膠片但有空隙」：咁氣泵打起水珠咪入到去囉？

視乎燈同水面距離啦，離得遠問題細ｄ。

有腳架o既燈「冇燈罩」？呢個就奇喎．．．

有腳架的話，都係有條坑食住玻璃，冇螺絲佢可以前後郁，但因為盡頭都有玻璃，唔會跌o既，所以唔係問題。

2008-08-16 19:41:10 補充：
我諗你所謂「無燈罩」，係指燈罩冇一片透明膠擋住水氣咋下話？（無燈罩，即係得支管，殼都冇）

其實我自己支燈係 solarmax o既，有冇你要o既 size 就唔清楚。

揀燈最緊要係管o既類型、火數、長度，以呢ｄ條件去搵商合型號就得啦（即１０ｗ或以下，一尺長，ｔ８－ｔ５管，ＰＬ都唔拘）。細缸燈仔好多時都只可以搵到ｄ大陸牌子。

黑木蕨係岩光量
多肥多CO2先巨型
太光佢係縮細架

魚缸燈都分幾種既,
最常見有套缸既燈、夾燈等~
最主要睇你個缸係點樣,
同埋睇你想要幾光~
如果係有架果種,
一般適合用係水草缸,
因為種水草最好全缸都照到晒~
如果係養魚既魚缸用,
夾燈已經夠晒~
另外要比較價錢,
夾燈一般都唔貴,
49蚊起,
主要睇質素同W數,
兩樣都高既就貴到去八、九十蚊~
而腳架燈就比較貴,
至少要過百銀,
質素就唔太重要,
反而係睇W數同尺吋既~
我用開夾燈,
單邊夾果種,
你話佢唔安全又唔係,
只不過魚缸爆既話,
夾燈就跌落黎咁囉,
一般都好安全,
除非魚缸d玻璃質素好差啦~
而腳架燈就好安全,
有架頂住,
不過係上面都好重,
都唔係話完全安全嫁,
但係你係上面睇野果時就方面好多,
而且夠全面,
d燈光唔會照出黎射到大家既眼,
即使你行埋去睇~
防水好既就唔知啦,
最好有塊膠係下面擋住,
夾燈唔會有~
買水族用品都無話邊隻最靚既,
不過AA較出名囉,
而常見d既有Dazs...........
如果你細缸7吋高,
10W左右就夠嫁啦,
可能都光過頭tim,
你最好係問問果d店員,
佢地經驗多d,
如果係種陰草,
唔駛太光,
如果種陽草就最好揀勁d既,
有人會介紹T5光管,
勁d既要用滷素燈~