18歲, 零樂理, 想學小提琴, help!

我諗我可以解答你工聯會嗰PART。我依家喺工聯會學緊初級小提琴。平平哋OK好玩，我都諗住玩完再搵老師私人教。
講返工聯會上課，全班10幾個人，不過次次都返唔齊人，上堂多數17-2X歲O既後生仔女。但喺都有啲年紀大O既阿叔。

阿SIR第1堂已經講到明班教喺唔會話拉得好，只喺比你試吓有冇興趣。如果你唔知自己喺唔喺真喺鐘意，想試吓都可以報吓，因為都真喺幾平OK好玩。教琴方面，我呢個阿SIR都OK，我哋上堂喺一人買一本篠崎嚟用，另外阿SIR會幫手買小提琴(自己買又得，佢唔會逼你買)，仲有肩托同弱音器(你全部唔幫襯佢都得，全部自己買都冇人話你)。阿SIR都教得幾好，講嘢都幾中肯，唔會狂讚自己勁踩人哋。

去工聯會啲人多數都喺乜都唔識，所以冇話咩怕醜問題，可以放心。CHEAP CHEAP哋試吓喺一個幾好O既選擇。(另外佢個課程簡介話工聯會有特價琴，我上嗰到其實唔喺特價琴，亦唔喺工聯會賣比你，喺阿SIR搵琴行買，佢CHECK過晒冇問題先攞返嚟，佢好似都喺喺凱聲買)

我今年都25歲，依家開始學都冇問題，只要有心就OK。

我也同意你先去工聯會學。因為可以測試自己是否真的有興趣，而不是三分鐘熱度。完成工聯會初級及中級課程後，如果你仍想學下去，而你又覺得工聯會的導師教得好，你可以問他可否跟他私人學，而且多數會便宜點~

你仲係青少年就話怕羞啦，我朋友三十都係啱啱開始，佢鄰居的小朋友同佢一樣都係學那些歌，她比那小朋友學得仲快呀！
私人學小提琴通常比學鋼琴貴，每堂少過＄２００的可能性係每堂只上３０分鐘啦！咁你可以試下找一些小型琴行！由於你沒有說要在哪區上課，所以你要自己試下找小琴行！
如果你要平，只可能是選擇一些小型琴行，又或者工聯會都得，否則很難找到的，你試想人家教授都要吃飯的，除非你找到一位不為生活只為興趣而教的老師！