增重奶粉點揀？

首先要明白，每個人的腸胃不同，對健身奶粉的反應會不同的。同一隻奶粉有人會好吸收，有人會食到消化不良，呢 d 要自己試過至知。

不過，都有 d 貼士俾你：

1。初初試唔需要揀貴o野，亦唔好隔價隔得太盡。最好先從中價下手，一般三百多元的貨式都很不俗了；

2。部份人對奶類產品有敏感 (例如飲奶後會肚瀉) 的話，要避免選購含 lactose (乳糖) 的奶粉；如果無呢方面問題的話，就所謂了；

3。健身奶粉分 weight gainer (增重粉) 及 whey protein (乳清蛋白) 兩種。兩者都含豐富蛋白質。不過 weight gainer 則包含更高熱量，幫助增重，但係會較貴及滯。既然你係目的要增重，就買 weight gainer 吧；

4。gainer 又好，whey protein 也好，最少每日一次，運動後立即食，每次 2 殼 (當然，視乎不同品牌，或者不一樣的)，最好連同少少固體食物一齊飲 (例如麥包)，可以幫助吸受奶粉。記得要食翻多點生果，飲多點水，否則會好熱氣的；

5。健身奶粉齋食只會增肥，唔會增肌，一定要配合做運動至有好效果。重有，奶粉只係輔助，其實正餐的營養更為重要，唔可以食奶粉就唔注重正餐的，要食多點含蛋白質 (蛋，肉，魚，奶類) 及碳水化合物 (飯，麵，麵包) 等。如果胃口/食量不大的話，建議 <少食多餐>，即每餐食量不用多，不過要食多兩餐；

6。運動方面的配合，要多做重量訓練 (即係去 gym 舉啞鈴，器械等)。方法就無可能響呢度講，一定要搵教練或懂得健身的朋友向你親身教授才行的，否則練不得其發的話，不但無效，更可能會受傷! 初學者最好去康樂文化事務處轄下的 gym 最好，價錢平，有免費教練，分店多，又唔會斂財! 設備雖比唔上 california/waterfall 一類，但已經足夠初學者了；

7。除了運動和飲食，其實休息都極為重要，偏偏好多人都會忽略。想增肌的話，必須要有充足睡眠，建議每天要有8小時睡眠，否則無論你食幾多，練幾甘，都唔長肉的。

以閣下的目標 (增加十多公斤)，老老實實非常唔容易的，除非你天生容易肥，否則無返幾年都唔得 (不過我斷估你是天生容易瘦的人吧？)，你要有心理準備。運動，必須持之以恆，無得快，更加無捷徑的。