除了長隆酒店外還有什麼好介紹??【急】

中旅社自由行套票 : $1,686, 番禺歐洲假日國際酒店, 水上樂園門票, 船票.


(酒店套房一晚, 早餐2位, 水上樂園門票2位, 船票來回2位, 另加去程$172/位, 回程$157/位, 再加長隆歡樂世界門票 $179/位).
此酒店 OK 架, (高級套房, 一大房 一細房, 有兩個洗手間, 客飯廳, 廚房, 重有路台, 四個人都夠住, 不過要有人做廳長, 酒店有免費車送你地去樂園 (20分鐘) (包3位免費, 來回) 超出就 $20/位, 單程.
*尖沙咀中港城碼頭上船最早 7:50am, (船程一小時五十分) 到番禺蓮花山碼頭有免費車送你地去酒店架, (車程四十分鐘), 回程船最遲 6:00pm, 不過 4:30pm 要上免費車往碼頭.
*樂園門票 (1.1米以下免費)(1.1 ~ 1.4米 - 小童), *船票 (五歲以下 - 小童/去程$111, 回程$104), 去中旅社問問.
行程建議


坐最早船去番禺, 再坐免費車往酒店, 到酒店後立即取房或寄存行李, 同時立即訂免費車往歡樂世界, (11:00有班車), 完可以座的士去祈福食街食晚飯, 約$20人仔, 那裡有成70間食市, 更有一間合心意, 我試過間順德人, 好食過好多香港食市, 價錢好平, 我地六個人, 叫左八個菜, 兩支啤酒, 都係$245人仔, 好味指數有95分, 可以考慮, 食完打的返酒店, 約$25人仔, 記住要講價, 回到酒店記得預訂明早免費車往長隆水上樂園, (及回程車返酒店, 如時間配合, 否則自己打的) 訂最早車 9:30am, 車程20分鐘.


第二日早啲起身, 到酒店食早餐, 退房, 寄存行李, 預訂免費車往碼頭, 坐酒店免費車去水上樂園, 先穿好泳衣在內, 去到租 Locker, 除下便裝, 放入 Locker, 好安全, 租金 $20, 按金 $20, 全日計, 約一尺丁方, 租後有個密封防水膠瓶送給你, 可放入人民幣及煙仔, 細細個好好用, locker 有鎖匙比你, 可除意開關, 帶 $500人仔啦, 先放 $300 入膠瓶, 用完可去 locker 再囉, 樂園入面好多小食及飲品, 小食有 (雞翼$10/隻)(火雞翼$25/隻, 超大隻)(煎餃子$10/5隻)(燒魷魚$10/隻)(牛什$10)(串燒$10/3串)(炒烏冬$?, 因無食到, 唔記得幾錢), 好食過海洋公園多多聲. 飲品有(椰青$15/個, $25/2個)(汽水$6/支)(礦泉水$5/支)(百威啤酒$15), 價錢好合理, 先玩齊樂園設施, 再租用水泡, 水泡用於玩沖浪灣及漂流河, 如轉頭想再玩樂園設施, 水泡有寄存處, 免費的, 所有樂園設施都有小小地方給你放下物品, 如拖鞋, 眼鏡, 毛巾等等, 玩完便取回, 貴重嘢就唔好啦, 重有 1.4米以下小童, 有免費救生衣借, 好細心架, 水上樂園開放時間 : 週一 ~ 週五, 9:30am~10:30pm, 週六及週日, 9:00am~10:30pm, 玩到4:00pm, 便要打的回酒店, 往花蓮港碼頭上船, 免費車4:30pm酒店開出.


希望幫到你, 祝旅途娛快,


酒店網址 : http://www.helenberghhotel.com/

可以選擇祈福酒店呀...
比長隆平好多, 而且只要坐10-15分鐘公共巴士-10A便可到達長隆總站, 一定唔怕唔識落車啦~

你不如試下問下美食之旅 旅行社
佢有d 團包埋去長隆，住埋五星超靚酒店
又唔洗買野，都係幾舊水jar, 仲要包三餐！

佢地上次帶我地去果間好似係數碼港酒店噤上下。