急急急~~~爸爸反對我同男友拍拖,我的情緒快崩潰了(希望多d過來人為我解答)

你同你BF拍拖姐，有5系你family member同他拍，
樣衰只系直口！
何况你都有18啦！
结婚都5要他地批准拉，
你爸爸无理的原因,
其实可以5理，
而你mon，就可以叫你BF改，
如果你觉得可以就等他啦！
try your best!

你男朋友的人品性格呢? 你不說...

其實你爸爸媽媽真係好鍚你 , 不過佢地都好偏激喎 !
其實你可以坦承啲同佢地講你真係好愛你男朋友 , 同埋你同佢地講你可以照顧自己 ,你已經大個女啦 ! 你同佢地講叫佢地放心 , 你男朋友一定會比到幸福你(叫埋你男朋友係佢地面前承諾) , 錢既野 , 一日唔死 , 一日都可以揾到 , 只要知足咪得囉 !

係父母都膽心子女既將來 , 只要佢地放心 , 乜都得啦
至於樣 , 唔憎就會順眼 !

父母眼中唔理你13歲定30歲冇分別 只要係關於你既野 佢地都好想去理
你爸爸果方面既厭人地樣衰 呢d野真係冇得變 除非叫你男友去整容 但有冇呢個必要呢?冇 咁即係話 呢個問題係你爸爸度 多餘....拍拖要講樣ge話 係咪唔專一都得?係咪只要靚仔食軟飯都要? 你同你男友既感情點睇都唔係建立係個樣度咖啦 呢d野等你爸爸慢慢去體會一下你地既感情啦
至於你媽媽果方面 我諗好多父母都會好擔心呢一點 將來我個女嫁過去 佢照唔照顧得起咖 我個女會唔會受苦咖 如果嫁過去重窮過而家 嫁過佢做乜 (呢d說話我阿媽係我結婚前同我講過) 因為我老公都係一個比較窮 同埋一d都唔靚仔既人 呢方面你就要同自己男友傾下啦 就算儲錢唔係為結婚 都應該儲返個錢黎旁身真係有呢個需要 再者 女人青春的確係有限 用自己青春去等人儲錢 值唔值?自己揀 貧賤夫妻百事哀 唔儲錢真係有點兒那個 就算情有可原都好 儲dd錢點都要ge
個男友明明係將來同自己過世而唔係同自己父母過世既人 當然係自己鍾意先得咖啦 有冇將來?現實d答你 真係有錢有將來 冇錢將來會好折墮 真係會出現好多問題 捱到既你地感情可以好好 捱唔到既 你地好快離婚都似 我結左婚兩年幾 我老公開頭都好窮 而家都係=.= 貧賤夫妻百事哀呢樣係真ge 的確好多問題出現 好多野煩 亦都好多嗌撬 不過好彩我同佢面對左個問題 家下先開始儲錢 比人慢左幾倍....不過係我自己揀既老公 冇得怨 鬼叫我好愛佢咩
我阿媽到今時今日都係好睇唔起我老公 厭佢搵得少 厭佢養唔起我 我自問唔係有錢人 又有咩必要一定要老公養得起自己呢 公一份婆一份囉最多咪 唔靚仔有乜所謂 我對住佢 情人眼裡出西施 我覺得佢唔樣衰唔差咪得囉 外人既眼光我唔會理 就算屋企人話佢樣衰 我都係咁講 我覺得佢唔差重幾靚仔咖 大家觀美眼光唔同丫嘛 你爸爸冇權迫你將自己覺得樣衰既野要求你都要覺得佢係樣衰之後飛佢 講到尾我明白你父母都係愛錫你擔心你既將來 不過將來既野 係可以自己一手一腳去改變 唔好比佢地睇死自己 如果真係好愛自己男友 你真係要繼續堅持自己想法 不過後果好與壞 承受既永遠都係自己

我覺得你阿Ba應該唔只係因為你男友樣衰而要你同佢分手咁簡單, 只係佢唔講你知個原因jei, 唔講你知當然係怕你聽到之後會受唔住啦

既然你阿爸都係唔帥之人, 咁佢就更加唔會因為樣衰呢個point去唔脮你男友

可能佢從你男友既言行舉止中覺得你男友唔係一個好男友又或者將來會對你唔好, 佢想你離開佢, 但又唔想講你知原因來hurt你, 咁咪話佢樣衰囉

我諗你要注意下你個男友係咪一個好男友先

你三十歲至來拍拖唔算好遲jei, 但係你唔好諗住"標尾會"心態去識男友, 而係要細心咁找一個真心愛你既男朋友囉

Never give up!!!

你應該同你呀ba呀ma傾下...睇下你ba ma反對你bf d咩? 唔通真係因為覺得佢樣衰呢樣就要判死罪???? 定係你bf 做左d咩野...激親你ba ma?!

你30歲..唔細架啦!!! 一般d父母應該想你快d結婚先岩過波....你同佢地商量下啦....再唔係...你搬出去住...間唔中返黎睇下ba ma都ok架!! 你第2時結左婚都會出去住架啦...e+只不過早小小搬姐~!

父母同情人...個個都唔想2選1...因為真係好難決揀...如果想2者同時擁有...只好避開唔好一齊...你bf真係愛你...or 係你呀ba攞刀追佢...佢就唔要你啦!! so對你bf要堅持....如果同佢一齊得唔到你ba ma ge支持...你只好將佢地分開...eg有咩慶祝你要分開慶祝...係就係麻煩d...但冇計架!!!

2008-08-15 17:21:39 補充：
你呀ma又擔心得岩wo...你都唔細架啦...如果佢錢都唔多舊...點樣買樓...結婚呀!!!
但你呀ba就......因為樣ge問題=.= 你都識講 你ba個樣都...唔靚仔...咁佢應該明白...唔靚仔ge心理架...居然咁講....太hurt人啦.....如果你ma ge ba ma都因為佢樣衰而反對佢地一齊...佢個心會好受咩....

你應該叫你bf 快d草錢...之後你ma就唔會反對啦!!至於你ba.,,唔洗理佢....!!! 以貌取人都有...

就算妳係13歲而唔係30歲妳都唔可以放棄
如果係個男仔蝦妳,妳就應該分手
但係如果係因為有人無理取鬧
妳就要為自己同男朋友既幸福而戰
妳絕對唔應該俾D咁既人令妳同佢分手
生命係由妳自己決定
妳唔好再俾D咁唔講道理既人吹毀妳既將來
佢再用任何暴力對待妳
妳就立即報警!!呢個世界就係多得呢D唔講道理既人先會咁衰
如果妳真係為自己同妳媽咪好既
妳同佢都應該離開一個咁暴力(身體同心理)既家庭
妳唔好為D咁既垃圾而逃避D強權作勢

......放棄真愛對唔住自己......

兩年多的感情
因為外界因素而放棄好似有點輕率

年紀唔細啦
甘的年紀仲可以搵到可以的男人咩?
機會好微嘛

醜樣唔系罪過!!
有誰想生來就想這模樣......?

就算佢系令仔又如何
佢總會老
到時鄒紋都現還有什麼俊不俊可言

父母可以伴自己一生嗎?
不可能''
人總有生死
但你跟他可以白頭到老噢

我唔明白你父母點解甘唔喜歡你男友
就只系因為樣的問題,沒有別的原因??
如果系甘理由未免有點牽強
面子問題?還是......

唔好意思
我想問一句:你爸好帥的嗎?

同你父母嘗試談談
佢地唔會甘野蠻既
父母都會為女兒終生著想的噢
只要佢比到幸福你就是了

同佢一齊
唔擔保你爸再做出咩事
但你同佢分開
又會有咩事有咩後果
有冇諗過?
你真系好愛好愛佢
但佢系唔系同樣好愛好愛你?
如果大家都系相愛
點解要分開甘痛苦
你肯定你可以一生唔見佢唔理佢
狠心嗎?做到嗎?

但如果佢唔系愛你的
只會變得好糟好糟...
堅持都冇用了

不過我想我會堅持我見維護這段難得的感情

你唔系需要解答,系需要支持
但這回事總不能全依賴別人

''相信自己''