鼠鼠係咪病左?

鼠鼠買左幾耐呢?有冇第隻鼠同佢一齊住?唔見鼠鼠食野定真係冇食?
而家可以留意返以下幾點:
1)因為鼠鼠係夜間活動日頭訓覺,如果你既作息時間同佢相反,就好易只會見到佢成日訓,就算你半夜成日起身,都未必會遇到佢既活動時間
天氣特別熱同特別凍,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦,你可以俾特定數目既食物俾鼠鼠,數下佢有冇食過野
熱天要留意既事可參考以下我回答既知識:
http://hk.knowledge.yahoo.com/question?qid=700804100075

2)如果有俾零食俾鼠鼠食,都易令鼠鼠過肥同唔食主食
其實只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康

3)如果兩隻一齊住,出現一大一細既情況,其實已經意味住有肥既蝦隻細既危機
倉鼠本來就係獨居動物,細隻既時候可以冇咩事,但慢慢大個就好易會打交,特別係唔同品種,仲要一大一細,真係分分鐘一打就死.鼠鼠半夜活動既多,佢地打交未必咁易發覺,到佢地大個,忽然打得犀利先處理就太遲了
其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死,詳細建議一籠一鼠原因可參考以下我回答既知識:
http://hk.knowledge.yahoo.com/question?qid=7008072500907

4)如果係買左鼠返唻1個月左右,咁就可能係鼠鼠生長中,所以大得特別快

5)如有係女鼠,而有男鼠在同一籠都有可能係懷孕

6)身體突肥,都有可能係因為內臟有腫瘤
留意多d鼠鼠有冇精神,會唔會冇咩胃口同成日訓,排泄物有冇異常,但內臟腫瘤多數好嚴重先發現,所以一定要細心D觀察同留意多D,有問題就要盡快處理

7)便泌肚較脹,都會似肥左
分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既,甚至見到有便便塞住

2008-08-16 03:38:42 補充：
可以試下將兩個籠放遠d,怕太近會令鼠鼠受驚
檢查多d鼠鼠身體及排泄物,同幫鼠鼠消暑,但如果真係冇食野既話,其實好危險,鼠鼠好唔舒服先會唔食野,最好可以睇醫生檢查下,因為冇咩病徵實在好難了解到係咩唔舒服