如何令鼠鼠勇敢?

想鼠鼠大膽d,一定要令鼠鼠有安全感
鼠鼠身體細小,冇咩自我保護既能力,係好易受驚既,受驚有機會誘發肚瀉甩毛等疾病,所以唔好忽略呢
其實我覺得太細既小朋友唔係咁適合去接觸動物,小朋友唔識控制力度聲音,動物又好難控制得好好,就算唔掂鼠鼠,大叫一聲鼠鼠都會好難受,甚至嚇死鼠鼠

而家可以留意一下以下既問題,去改善鼠鼠受驚既情況:
1)檢查鼠鼠身體及排泄物睇下有冇異常,有事就要盡快處理;除左檢查外,就唔好打擾鼠鼠,唔好抱鼠鼠住
2)如果有第隻鼠就要分籠,鼠鼠係獨居動物,有第隻鼠一齊都會更神經質,又易咬人,而且兩隻鼠仲好易會打交
3)留意鼠鼠有冇飲食,有時鼠鼠受驚就唔食唔飲
4)到鼠鼠正常返d之後,再俾佢靜多兩日之後,可以試返呢個方法,慢慢同鼠鼠熟,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

2008-08-16 03:26:31 補充：
而家天熱,千萬唔好俾鼠鼠用鼠棉被,唔係好易會熱親鼠鼠,甚至令鼠鼠中暑
而零食最好唔俾鼠鼠食,零食除左易肥之外,仲易令鼠鼠唔食鼠糧,要引鼠鼠,可以揀鼠鼠鍾意食既鼠糧就可以

你要有耐性地和鼠鼠傾計
買些鼠鼠未食過的零食
一面同佢傾計，一面比佢食零食
買些專用被比鼠鼠冚住個身體
佢會感覺有安全感既

唔好攪佢,等佢放鬆,因為鼠鼠一向都不太勇敢。

膽小如鼠,這句話一點不假,你話隻鼠之前都係好冇警惕性ge, 自從那天我ge親戚(小朋友3歲)嚇左佢一吓之後, 我連摸下鼠鼠ge背部, 佢都驚到震震吓.......這是鼠做鼠的鼠生經驗不够,牠的上一代偷偷摸摸,牠不知道如今成為寵物......有點受寵若驚,總之牠知道你系主人,慢慢會Happe,和平共處！