青衣-屯門-天水圍-元朗

呢種編排方式或唔夠好,因為中間以下連接地方冇直接往來交通:青衣至屯門蝴蝶;大興至天水圍(包括南北)(而且轉車越多,基本上車費就越貴)
所以建議改成以下行程:
青衣機鐵站->青衣公共圖書館->屯門公共圖書館->蝴蝶公共圖書館->大興公共圖書館->元朗公共圖書館->天水圍北公共圖書館->天水圍圖書館->青衣機鐵站
第一程一定係行路去既,沿青敬路南行至楓樹窩路交界以天橋過對面就係青衣市政大廈
之後第二程由市政大廈行番上青衣機鐵站,搭九巴68A到屯門大會堂巴士站落車,車尾方向稍行近柏麗廣場有一條直入圖書館既通道,呢程收$9.7
第三程出嚟過去屯門鄉事會路嗰邊,乘506港鐵巴士,蝴蝶站落車,稍向車頭方向行前幾步就係蝶影樓,收$3.7(八達通)/$3.8(單程票)
第四程出番出蝴蝶輕鐵站,搭輕鐵610號(往元朗),大興南站落車,走番轉頭沿大方街轉入大興街就係大興商場,收$3.9(八達通)/$4.7(單程票)
第五程出番出大興南輕鐵站,繼續搭輕鐵610(往元朗),大棠道站落,車尾方向沿青山公路轉入同樂街(要先過同樂街馬路)再左轉入壽富街對面就係元朗政府合署,收$4.4(八達通)/$5.8(單程票)
第六程出番出青山公路,搭K73(往天恆),天澤邨落,就係天澤商場對出,收$3.7
第七程出番天逸輕鐵站,搭輕鐵706(天水圍循環線)(唔好上705,兜大圈D),銀座站落,後走至天恩路入嘉湖銀座(一出嚟第一棟就係第二期),收$3.9(八達通)/$4.0(單程票)
最後沿天恩路行過去天榮路翠湖居附近搭264M九巴直返青衣機鐵站(總站),$9.6
以上均為成人收費,若為小童或長者則減半

2008-08-14 16:02:50 補充：
冇辦法,兜大圈預咗要捱貴D既價錢,但再講一次,轉車越多,車費就越貴,所以上面安排到相鄰地方都有直接交通往來

你係青衣機鐵站去青衣公共圖書館便行過去啦，行過去十分鐘唔洗
跟住係青衣公共圖書館行去青怡花園先，拍一拍港鐵特惠站
http://www.mtr.com.hk/chi/whatsnew/fare_saver.html
http://www.mtr.com.hk/chi/whatsnew/faresaver/R1_map_tsingyi2.jpg
跟住又係番去青衣機鐵站搭港鐵東涌線去荔景，再轉港鐵荃灣線去美孚

2008-08-15 18:05:20 補充：
因為有左特惠站的$2優惠，依程只需$2.4
又或者唔去美孚，去到荔景的時候轉荃灣線去荃灣
咁樣仲平，只需$1.6
不過代價係要由荃灣地鐵站行落去荃灣西鐵站
你係美孚站或者荃灣站可以比$20買張西鐵線全日通
跟住你便可以「遊新界西」了
你搭去屯門站，跟住轉輕鐵巴士５０６去到蝴蝶
跟住搭番輕鐵巴士５０６去到屯門公共圖書館
之後搭輕鐵５０７去到大興
再搭７５１上天水圍，轉７０５／７０６去各個圖書館

2008-08-15 18:05:23 補充：
跟住搭７６１Ｐ過元朗
最後搭番西鐵去荃灣（西）／美孚
如果去到美孚便係盈暉家居城拍特惠站再番青衣，收$2.4
http://www.mtr.com.hk/chi/whatsnew/faresaver/R1_map_householdcentre.jpg
如果去到荃灣便係英皇娛樂廣場拍特惠站再番青衣，收$1.6
http://www.mtr.com.hk/chi/whatsnew/faresaver/R1_emperor_tsw.jpg
咁總共$23.2~24.8
你單係青衣去元朗都要$9.6；屯門去青衣都要$8.5，再加埋輕鐵轉來轉去都唔止依個數啦

2008-08-15 18:06:19 補充：
因為回答有十題的配額，所以我只可以用意見咁樣同你講
不過，你係度「遊新界西各個圖書館」做什麼？

2008-08-29 14:59:39 補充：
另外，你漏左荃灣西樓角路果個未去，如果你有興趣的話，可以搭地鐵去荃灣站，59M果個站位後面入去，三樓同四樓都係圖書館