點先可以令電話冇咁快壞.?!~

關於現在的電池充電問題, 大體可以分開兩類看.....新品種 和 舊品種~~~哈哈~~~且別說我無聊!!

舊品種: (已不常見了)
其實以前的充電池, 太多係 鎳鎘 (Ni-Cd) 或 鎳氫 (Ni-HM), 此兩類電池都有著一個很不好得特性, 叫 "記憶效應 (Memory effect)", 即係舊電只用到一半用量, 你去充佢, o甘佢就只會係一半充起, 且之後就只能由果半起開始用佢, 換句話說, 佢以後俾出來o既電量就只得一半功力!! 所以以前有放電器呢樣野賣啦, 亦即係話呢類電最好用乾先好差啦!!

新品種:
而現今電話所用o既都係 Lithium Polymer , 即一般稱鋰電底塑膠電, 而呢類電池除輕/薄之外, 就係電量較高且沒有"記憶效應 (Memory effect)", 即係你點充舊電都唔會影響舊電o既本身電量啦. 當然, 除用o既時間久遠, 舊電當然會衰退o的啦, 咩電都會.


好啦, 特性講o左啦, o甘點先係充電最好習慣呀??
(當然講充新o既鋰電啦!!)

答案係, 你可以而又方便的話, 一直充住佢 !!

吓?!! 唔係卦, o的電唔係有充電次數咩, 成日充咪好快死??

當然唔係啦, 冇錯, 咩電都好, 其實係有充電o既次數上限o既.
不過點為之充一次, 就唔係個個知啦. 以下舉個例說明:

假如你而家只係用o左 5% 電量, 你而家充電至充滿, 係呢過充電o既過程, 你只不過係充緊 0.05 次o者!!! 明未? 而幾乎所有原裝充電器, 都識充滿就停, 所以你根本唔須要擔心舊電會充死同減低其壽命.

而經常充電, 反而對粒電係好事, 因為鋰電池有個特性, 就係經常充電, 係會保持佢入面o既分子o既活躍性, 令粒電狀態更好及長壽o的.

相信, 你係朋友當中, 亦有人粒電好易死, 就係因為佢地經常用到一格電都冇甚至冇電到熄o左機先充啦~~切記唔好用乾先充, 因為分分鐘會充唔起粒電而報銷o架, 同埋經常o甘做, 粒電入面分子會唔及以前活躍而影響效能同壽命.

點解仲有人會用乾粒電先充? 好可能係以前舊品種電o既充電習性帶到今時今日, 而賣電話o既人又一知半解所致啦...

順帶一提, o的 sales 成日叫我地第一次充新電要充 8個鐘 / 12 個鐘先好用係多餘o既, 因為今時今日用緊o既係 鋰電呀!!!!

2008-08-14 02:04:35 補充：
至於電話本身點冇o甘易壞, 都不外乎唔好濕水同跌撞, 最好唔好沖涼都帶埋入廁所, 因蒸氣水點會有機會入機而影響零件. 平時最好加保護套, 同多o的除出來除除麈, 塵同濕氣係可以令零件短路的.

而電池電量衰退, 據雜誌實測的一個收效改善方法就係:

1. 先用多層報紙 (4~5層以上) 包封. 貼好膠紙密封.
2. 放進兩至三個密實袋內
3. 放入雪櫃冰格 24 小時
4. 取出後, 不要拆袋, 係陰涼處等佢自然解凍.
5. 固復常溫後拆出來, 充及放電 3次 (充滿一次, 用到差唔多剩10%, 再充, 反覆三次)

反正死馬當活馬醫, 不妨一試