大板旅遊查詢

1. 由車站行去環球影城 (USJ)入口會途經一個幾層高的商場, 入面好多舖頭都係賣USJ 既紀念品, 亦有好多賣其他精品的, 都唔少野行…另外仲有D食店咁, 最易認就係Hardrock Café, 有大大個結他做招牌。如果你揀平日去就少人D。 我5月去時係星期一一早9点就到，玩games唔洗点排隊。Tips: 賣平價票的店鋪（日本很普遍），我們便在那兒買了環球影城的入場券，平了320yen一張，只是＠5480yen, 抵！

2. 渡月橋的風景如画，值得去。嵯峨野小火車一要坐。如好彩搭到第5車卡，係特別車卡, 好開揚, 車頂用玻璃建造, 冇窗, 所以坐這一卡欣賞風景會特別有風味。清水寺及渡月橋的手信舖都是賣草餅，福餅，糯米糍，精品如扇子的舖頭等。其中好多都係賣一種叫” 生八ツ橋”既食品, 三角形, 外面係d好似草餅既皮, 入面包住的餡料, 有紅豆, 粟子, 香蕉…等等。

3. 在10月中，應該到到都可看到紅葉， 特別是清水寺，沿途都係紅葉，好靚！

4. 在道頓崛，我們試過四天王拉麵，八爪魚丸，北極大判燒，蟹道樂，海鲜丼，Mister Donut等等。其實样样都好味。試食方面，只有在大白貨公司才有試食。有D手信舖都或可有試食。

祝你們有個甜甜蜜蜜，浪漫温馨的蜜月旅行！

我有少少的分享，希望可以比d意見你plan密月旅行：

Q2. 去清水寺上山的沿途有些店舖買清水燒，但有點貴，不過真係幾精緻，可以行吓。

Q3. 10月中的關西(e.g 大阪，京都)應該還未係時候睇紅葉，我上年10月尾11月頭去過，還未有。如果要在10月中，最集中的地方是在北海道和青森。紅葉期要睇天氣，以下是其中一個紅葉情報的網頁，你可以click入去睇睇。

http://kouyou.nihon-kankou.or.jp/migoro/calendar.php?m=10&d=1
http://kouyou.nihon-kankou.or.jp/

環球影城 附近只得一個小小的商場, 就在隔離, 有藥房和精品店等, 其中有一間有很多龍貓產品, 喜歡既都唔錯.
清水寺只有參觀, 沒有手信賣, 不似淺草的雷門.
渡月橋未去過.
道頓崛有蟹店可吃蟹, 很好味. (一去到就看見, 很大隻蟹在門口), 而且道頓崛有很多拉麵店, 都很好味.
遠有一間 100yen 店都是在道頓崛, 慢慢挑會發現好野ka.