如果簽左睇樓紙,先發見agent還價不力,咁咪焗住無得搵第二個agent?

理論上簽左睇樓紙係唔可以搵第二個經紀傾同一個單位的，因為傾成左第一個經紀有機會照問你收佣，但事實上未必的。
你試諗下，舉例我睇中層樓叫價200萬，如果第一個經紀幫我傾到190萬成交，但第二個經紀幫我傾成185萬，咁我會唔會因為簽左睇樓紙俾第一個經紀而用190萬買層樓先？作為消費者梗係用185萬買啦，而且比較之下第一個經紀根本無幫我爭取到最理想的價錢，咁點同我收佣先？
所以其實你大可以照搵第二個經紀，但你必須同佢講明你簽左睇樓紙俾第一個經紀同埋唔好再簽睇樓紙俾佢，通常對方都會肯的，如果唔肯就去第二間，因為除非個盤係獨家，否則間間代理都有。
如果最終第二個經紀傾的價錢同第一個係一樣的話，你就搵返第一個經紀成交，但如果真係傾到平D的話，你就同第一個經紀講：人地傾到呢個價你傾唔傾到？你傾唔到就同人地買，咁做即使你簽左睇樓紙都無用，因為佢真係幫你唔到嘛。
最後可以做一樣野保障自己，就係即使第二個經紀傾的價錢好D，你係成交之前都要堅持佢出一份書面保證俾你，如果萬一第一個經紀向你追佣要由佢地負責返，咁就無問題了。

其實個個agent 會盡全力幫買家去還價,難道有生意唔做.

咁如果已經簽左睇樓紙,先發覺agent還價不力,咪都唔可以搵另一位agent睇同一單位?

如果無簽睇樓紙,先發覺agent還價不力,咁你要立即找其他地產公司傾
價.

假若簽左睇樓紙,先發覺agent還價不力, 你就要比 buying signal to agent,
或者同佢個經理講要求更換agent.