虐老問題，現代仔女、妻子及新袍的角色

香港虐老問題其實都好嚴重，但一路都冇人去正視，點解，老人家愛鍚屋企人，唔想搞大件事，令仔女及屋企人蒙羞，點知就助大了施虐者ｇｅ膽子，以下個案可是真人真事

個案一
Ａ婆婆，八十二歲，每天要一早七時正出街，晚七時前要回到家，否則冇門口入。風雨不改！點解，因為七時，兒孫返工的反工，反學的反學，屋企冇人响度，驚老人家一人在家有危險。八時後個個休息，夜返會影響家居門戶安全，你信唔信？

個案二
Ｂ婆婆，九十五歲，可以自由出入家門，但冇嘢食，要夜晚黑返屋企先有餐飯食，仔、媳都開始嫌棄老人家，用盡各種方法迫老人家入老人院，但Ｂ婆婆令４也不願進老人院，年初因為亞婆問個仔，係咪攞咗佢Ｄ餅食，比個仔推落床，個４仔咁問老人家幾時去４，之後亞婆病咗幾日．．．．

個案三
個仔冇問題，不過就怕搞大件事，影響仔女ＧＥ成長過程。
Ｃ婆婆數年前娶了新袍後，到現在只見過Ｅ位人姐十次都唔夠，因為唔同住，位大姐仲口口聲聲話婆婆日日打電話閙佢，响朋友及屋企人面前訴苦。响老公面前又令一副面口，亦千方百計阻止Ｄ孫見個麻麻。ＥＤ嘢係個工人偷偷打電話報串比婆婆聽

個案四
老夫少妻，妻子係大陸人，已來港定居，現在有工作，丈夫係香港人，冇入息，每月只靠七百零五的生果金過活，不過回家都會有一餐飯食，有兒女，但因為年齡相差太大，對這個老父不會有說話講，．．．．

個案五
Ｄ婆婆，九十五歲，現在係大陸，患了老人痴呆症及雙目已失明，婆婆在香港定居已五十多年，多年來辛苦養活香港及大陸的兒孫，現在當然各自成家立室，本來與長子同住公屋，後來新袍由大陸落嚟香港，以後問題就嚟，婆婆為免長期在家會起事端，亦免得長子難做，所以一年會返大陸兩三回，每隔數月返嚟一次攞生果金，如事者，婆婆於十年前一次回鄉後，仔及新袍把她的回港証及身份証收埋，從此Ｄ婆婆便被迫留在大陸，咁多年都托回港的朋友帶她返香港，但邊個可以咁做．．．．在日夜思念的日子內，終於得上了老人痴呆症及白內障而失明了，在香港咁多年，婆婆已經當香港係老家了，佢並沒有想過回鄉終老，因為佢到而家，一開口都整係會講：『你幾時帶我返香港呀．．．．』

以上不同程度的虐待，有值接及間接的，全部都係比自己人施虐，我真係好想問，人性真係沒落到如此步嗎？

老實講，老人家去到這個年紀，唔係要求後生的一輩要比多多的錢去滿足他們的生活，而只係要求一種他們應該享有的尊重啫，作為一個家婆，父親、母親的身份尊重，原來在沒錢的老人家身上，在現今的世界上，原來這種希望是是奢侈的啊

飽肚不知肚餓人，這班老人家都唔敢同自己同輩的長者說及，點解？因為人性的勢利，擁有資產的公公婆婆，點會想到其他人的苦處，慨嘆的係人性本如此哩！