出世十幾日bb肚痛??

出世十幾日d bb 係咁架，佢地會不規則的大便一個月，有時放屁都會放出糞，唔好笑呀,真架！一個月之後會有規律性的，如果bb冇發燒，冇嘔，又或是其他不正常事，又肯飲奶,一般都唔駛太擔心，至於bb訓訓下哭,好多bb都係咁，佢地有時都會發夢架,我既bb成日都係咁, 唔駛咁擔心啦,淎bb好大壓力架,
放鬆d啦媽咪.

初生bb係咁嫁，呢ｄ叫胎毒，我個ｂｂｏ個時都係咁，痾左少少就同佢換片，試過２５ｍｉｎｓ　換左５塊片！到一個月左右就無事～
而ｂｂ訓訓下喊醒係因為無安全感，因為ｂｂｏ係媽咪個肚入面差不多１０個月，一直有胎水包圍住，到而家出世後無左呢ｄ胎水，咪好易醒ｌｏ．
ｂｂ仲咁細唔適宜比開奶茶佢飲．
我問過醫生，醫生話只要ｂｂｄ便便唔係血紅色，黑灰色就無事，ｂｂｏ既便便通常係黃黃綠綠咁，初時因為ｂｂ仲只係飲奶，未食固體食物，所以會比較稀同軟身，到ｂｂ大ｄ，可以食到粥仔，通粉之類，ｄ便便就會硬返ｄ．
如果到ｂｂ３個月都仲係咁，又或者痾得好辛苦，就可能係奶粉熱氣，到時先好同佢轉奶粉．
因為頭３個月ｂｂｏ既腸胃仲未發展得好好，咁快同ｂｂ轉奶粉會好易令ｂｂ肚痾．