見工成功,但係........

下次唔好講公司名出來，比你公司同事見到，就知你問這條問題。咁樣做唔係咁好。
以人工論，$7000 + $200 + $600 都成$8000 一個月，對一個無經驗的助理文員來說，這間公司都算好好拉。好多有經驗的都未必攞到呢個價。
以地區論，香港仔對你來說是遠了一點，不過佢地有公司車，都算方便，年輕人唔好計較咁多，習慣了就沒有問題。
反工時間，8am – 6pm 時間就長左d， 若不用OT都可以接受，因為好多工作要OT，都要做到成7pm，其實時間都差唔多。反正你冇工做緊，咩當見識下。而且人工都有番咁上下，不要計較。
總的來說，我建議你做住先，原因︰1. 人工唔錯，2. 反正冇工做緊，3. 呢間係大公司，做得好一定有得升，可能仲有讀書津貼，4. 你始終要累積工作經驗，無經驗好多公司都唔請，5. 大公司文儀用品各樣野都有，都update d，有野學，細公司就點都比唔上。6. 做過大公司，將來搵工都易d，7. 大公司樣樣野都有條理，有係統，呢個訓練，讀書都讀唔到。
至於簽約︰多數是英文合約，佢地未必解釋比你聽，你可以同佢地講，你唔係好明，你想返屋企，查字典，睇清楚再簽比佢。大公司多數比左份約你，都唔會急於要你即刻簽。合約主要是︰職位，到職日期，薪金，睇下呢幾樣是否同佢應承你的一樣，唔同就要出聲。試用期，離職通知，大假等都不能差過勞工法例。合約中對你的限制或罰則︰例如，可否兼職，遲到罰錢，咩野情況下公司會告你，或你要負起刊事或民事的訴訟，或有那些不合理的條款。
如果睇唔明，可以搵d有工作經驗的人幫手睇。如果發現張約好唔合理，就唔好簽，同佢講份合約唔適合，唔做拉，佢地要比番人工你，做幾多日，計幾多日。工可以再搵過，簽左合約就要履行合約所訂的條款，如果份約唔合理，而你又簽了，你會有排煩。
不過，大公司，這情況應該唔會發生。

你要注意合約的內容，不妨多問一些內容的細節，清楚自己簽左一份咩合約。你只是做嘢而不是為佢賣命，如果因為合約問題出了事那就麻煩了。其實找工前你最好了解下果間公司是那一行業(可以上網check下先或睇番你在那裡找這份工作問下這個職位需要咩經驗)，就算人地超nice唔代表佢就是一個nice老闆，我睇得出你對工作及自己未來都十分之積極，你要加油~社會大學不是一個簡單學習。我不會比意見你去唔去做呢份工，因為每一個人都有自己去選擇自己的工作機會。我本人就是用一個出來呢個社會工作需要用自己的心去做，無論在工作上遇到任何困難，作為岩岩出來做嘢的我曾你5個字~唔識就要問~唔好以為學歷好就一定做嘢做得好，年青人去磨練下啦！

你可以聯絡我們協助你分析
[email protected] 92320740 陳生