我想問澳門賭場問題

近來流行嘅賭場騙局, 係針對d入世未深嘅年青人.
騙徒先派出同黨 (騙徒A) 在香港MSN結識一d少年, 再從中揾個家境唔差嘅. 之後A會約個少年去澳門玩. 到咗澳門時, 就叫佢去賭場玩. 玩玩吓就有另一同黨騙徒B出現, 扮做A嘅表哥. B話可以幫少年做賭場VIP, 填張表就有一萬蚊免費籌碼. 其實B係賭廳叠碼仔. 少年填咗表 (即係將屋企人及私人資料俾哂B) 後, B就俾一萬蚊泥碼 (即係只可用嚟賭, 唔可換現金嘅籌碼) 佢賭. 其間A會幫手賭, 博佢輸快d.
到少年賭哂d籌碼後, 不論輸贏, B又會俾d泥碼佢繼續賭. 呢個時候就等少年想唔賭, A同B都會威迫利誘要佢賭. 有時甚至代佢賭. 到佢輸哂, 就會要佢簽欠單. 通常俾3萬蚊泥碼佢, 就要佢簽12萬欠單. 然後押佢番香港, 揾佢屋企人, 迫人還錢.
咁多人上當, 係因為受害人入世未深, 又貪小便宜. 而且年輕俾人嚇兩嚇, 就會就範. 呢d騙徒通常在d細賭場 (例如X都) 出沒. 因為近年澳門賭業好景不再, 細賭場首先受到衝擊. 叠瑪仔無生意, 於是就以騙人為生.
要避免中招, 第一記住 "小賭怡情, 量力而為". 千祈唔好借錢賭! 第二就係去d大賭場, 例如威XX人, 永X. 呢d賭場無咁雜, 對叠碼仔有監管. 第三係唔好去賭錢!

係真ga! 我既親戚(大學一年生)琴日去澳門就係咁樣俾人押左番黎。最後我地d親戚要合力幫手還錢，d歹徒先肯離開佢屋企。佢d屋企人好傷心同震驚。

大學一年生同佢個friend第一次去澳門，食野既時候，俾個20幾歲既靚仔’介紹’佢去左回力個場。一入到去，就有人將佢地兩個分開，之後叫佢地賭錢。見佢賭輸左就借俾佢，又叫佢入VIP會等等。期間佢都有表示話唔想賭，但d歹徒唔俾佢停，情況非常嚇人! 佢地係唔俾機會你去理智思考! 成個過程好快，係好短時間內，咁就冇左十萬! D歹徒好有計劃同好專業，唔好以為你可以凌駕佢地。

如果係想試賭的話，務必要去大賭場，例如一d美資賭場，因為個d地方唔容許黑勢力入侵。其次就係，即使賭輸錢都唔好去借錢，你借佢地十萬，佢地要你還雙倍! 仲有就係，千祈唔好入一d人地介紹既場!

講到底， 如果你冇定力，容易信人同貪心既話，請唔好賭錢! 去睇下大三巴同食下野係你既最好選擇!!!!!! 年青人，請你地自重!!