養魚新手，請多多幫忙(20分)

又真係幾多問題喎．．．
１．我養左4條火炎麗麗，但魚缸只得7cmx12cm，有冇問題架?
你個缸一升水都冇喎．．．一個缸可以養幾多魚？參考數字係一升水養長度一厘米o既魚。一條火炎麗麗都２ｃｍ以上啦．．．呢ｄ情況叫超養。你無論如何，必須換缸！
先講魚，其他問題下一題答。唔係乜魚都鍾意群居。你將佢地焗埋一齊，私「人」空間唔夠，會精神緊張。精神狀態會影響到身體狀況，病由此來。
２．而且我無任何的養魚設備，佢會唔會死架????
養魚設備必須包括過濾器、氣泵同暖管。
魚屎尿有阿摩尼亞，係高毒性物質，濃度太高會死魚！所以我地會用過濾器。過濾器裏面有濾材，當中o既生物環係陶制o既表面有好多少孔，表面面積好大，目的就係俾硝化菌附著。
硝化細菌以阿摩尼亞為食物，將佢變成冇咁毒o既亞硝酸鹽，再變成再冇咁毒o既硝酸鹽。咁你話濾水器重唔重要？冇的話，唯有換水，但咁就會令水質冇咁穩定。另外濾水器出水打落水面，可以增加溶氧。
麗麗屬於迷鰓魚（labyrinth fish），即同鬥魚同類，迷鰓o既意思，係鰓中有一個器官叫迷器（labyrinth organ），令佢地吸入空氣，都能夠抽取當中o既氧！所以迷鰓魚可以o係低溶氧量o既水氹、水溝生存，因此唔係必須氣泵。
但有當然好ｄ啦，因為唔係每一種迷鰓都活於溶氧量水域，迷器唔一定同樣咁有效。另外，有一種叫水妖o既氣動式過濾器，唔駛電，用個泵就搞掂，可以考慮下（但佔用魚缸空間係缺點）。
〔樓上講正常大氣壓力、室溫２４度時一升水有幾多氧，而一條魚唔會用多過呢個份量，「所以」氧氣珠用得。問題係，以呢種講法，即係冇氧氣珠都夠氧。但係佢亦冇講過氧氣珠冇有氧釋出！如果冇就用水中o既氧，咁同放石春有乜分別？〕
暖管最後講。
３．同埋換水要幾多日一次同換幾多。同埋換水時洗唔洗將佢撈出來?裹面的屎如何處理?
換水一般一星期一次，因為可以令水中廢物稀釋。愈大個缸／愈少魚，廢物愈稀，可以愈少換水；好似你現時咁，細缸多魚，就要加密。
一般換水一次１／３至半缸。如果要加密，次次１／３缸，水質變化好大，所以可以一次１／５缸。換水主要吸缸底、吸屎，否則ｄ屎會變粉，o係水中腐爛，影響水質。
４．而且養水養幾多日?
２４小時，用化學劑當然唔駛咁等法啦。如果你冇容器裝起ｄ水，都唯有咁做。
５．餵野食方面，應該比幾多野佢地食、一日喂幾多次呢?
魚唔駛日日餵，因為食得多痾得多，食唔哂沉底，都影響水質。所以可以隔日，尤其係細缸。每次餵o既份量，係兩三分鐘食完為準，目的係冇剩。
６．點樣分男女?
麗麗係迷鰓魚，絕大多數呢類魚，公都顏色鮮艷ｄ，背鰭尖ｄ；乸都冇咁鮮色（近灰），同埋會較細。
７．有一條魚特別大、特別肥，是不是有左?
大？根據上一題，佢可能係公，亦可能全缸都係公，佢只係其中較大o既一條。
８．同埋佢有時會去咀其他魚，到底咩事?係唔係鐘意左佢地，還是想攻擊牠們?
咀．．．
順便破除一個迷信：接吻魚唔係接吻，佢地係打緊！其實魚唔會咀，只會用嘴攻擊。梗係啦，佢地都冇手．．．
９．我想知點樣先知道佢係唔係大肚?佢地容易繁殖嗎?同埋牠們的繁殖方法是如何?
大肚一定係個肚大啦。如果你ｄ魚中有乸的話，見到佢個肚會大左，咁你就要將一公一乸撈入另一個缸，可以用一個水妖，出氣要少（可以用氣喉夾），水位要低，三寸左右，水面要有ｄ浮水植物。魚公會o係葉底吹氣泡，做一個泡巢，做好後會去條乸身邊游，到兩條都 ready 時，就會產卵，兩條魚會捲住對方，好好睇
圖片參考：http://tw.yimg.com/i/tw/ugc/rte/smiley_4.gif

產完卵後要將乸撈走先，到魚ｂ由最初貼住ｄ泡，到會水平咁游，就要撈走條公。ｂ要食豐年食幼體（ｂｂｓ），要隔水先餵。但係．．．你又要再大ｄo既缸啦喎。
１０．牠們冬天時如何禦寒冷?
用暖管，必須架。廿度以下就要用。

2008-08-13 10:14:13 補充：
補充一點：

魚會爭地盤，如果你成缸都係公，就更會。爭地盤先係「登行」ｄ魚鰭，令對方覺得自己大條，嚇走對方，否則就會打兩下。分出高下後，地位高o既見到細o既就會啄佢一兩下。

唔想咁，個缸大ｄ，放多ｄ草木啦。

2008-08-13 23:44:28 補充：
無浮水植物．．．

其實你個缸可以買ｄ水榕扎木放入缸。唔札木的話，水榕會浮水。唔係的話，買ｄ金魚茜，光線要充足，咁ｄ草就唔會死。

再唔係，試下發泡膠。但呢個佢未必接受架。

1.我養左4條火炎麗麗，但魚缸只得7cmx12cm，有冇問題架
A1.有問題,因麗麗魚最多可長至6-8cm,魚缸咁細會令他們不夠氧氣.
2.換水要幾多日一次同換幾多。同埋換水時洗唔洗將佢撈出來?裹面的屎如何處理?而且養水養幾多日?
A.2.換水半星期一次,一次就咁倒掉魚缸的半缸水,第二次要冼缸.第二次換水時才將佢撈出來.而且將大部份屎倒進馬桶,沖掉,留少部份,養水隔1夜就夠
3.應該比幾多野佢地食、一日喂幾多次呢?
A3.乙塊冷凍紅蟲,咁樣佢地先會更加靚.一日喂一次
4.有一條魚特別大、特別肥，是不是有左?同埋佢有時會去咀其他魚，到底咩事?係唔係鐘意左佢地，還是想攻擊牠們?仲有我想知點樣先知道佢係唔係大肚?
A4.不是,他特別大,當然特別肥.同埋佢有時會去咀其他魚,這是攻擊性的行為....個肚令令地就表示大肚
5.佢地容易繁殖嗎?同埋牠們的繁殖方法是如何?
A5.應該容易,將公1母放埋一齊冇耐就得
6.牠們冬天時如何禦寒冷?
A6.佢地吳識,你要裝暖管
7.我想問萬一佢有左但水面無浮水植物，魚公會唔會係葉底吹氣泡，做一個泡巢比乸產產卵
A7.no!!!!!

問:我養左4條火炎麗麗，但魚缸只得7cmx12cm，有冇問題架?
答:梗係有!首先,缸細會令魚仔游水變差,有事時,游水都慢過人啦!同埋缸細會令魚仔精神緊張,死亡.

問:我無任何的養魚設備，佢會唔會死架?
答:生命力強就應該可以,但是唔係條條魚都係!首先講氧氣問題:
缺氧魚仔同樣死.可能會話"買個氣bum囉~"我有一個更好的省錢方法.
用濾水器代替氣bum
濾水器好重要
濾水器功用:
- 供氧
- 過濾水
- 養益菌(如有生物環)

氣bum功用:
- 供氧

你話邊個好d?!(2個差５多$$)
你可能會話"氧氣珠呢?"
以下可以解答你的問題了。.

氧氣珠...根據 Wikipedia 的資料：因為密封的容器只有500mL，即在沒有魚的情況下，只須要放出0.5x6.04mL=3.02mL的氧氣就夠用。
At 25 C and 1 atm of air, freshwater contains about 6.04 milliliters (mL) of oxygen per liter, whereas seawater contains about 4.95 mL per liter.

如果有魚的話，魚需要1天的氧氣量亦不會多於3.02mL，所以相信氧氣珠是可行的，但一定要用在細魚(少於1cm)身上。

但係你條魚都大過1cm啦!!

問:換水要幾多日一次同換幾多
答:如果冇設備,2~3日換一次水,每次換1/2~1/3水.一次過換太多水會令魚仔有變化而緊張

問:養水養幾多日?
答:大約一晚ok了.不過我個人就比較懶,市面上有種除氯水,直接滴d落水就唔洗養水了

問:應該比幾多野佢地食、一日喂幾多次呢?
答:如果喂左之後發現魚仔食晒所有,又好似唔夠再落多dd就ok了,如果冇食晒就太多

問:冬天時如何禦寒冷?
答:用暖管(係最好)要買的

問:佢有時會去咀其他魚，到底咩事?
答:只係普通朋友玩玩而已

PS:sorry呀,我對交配唔熟,幫唔到你添!Sorry!