打比自己多年前的女朋友(中二到而家24歲,10年前),開頭講咩`好呢?(女仕請進)

我覺得你現時最好唔好諗住打俾你果位十年前女友住

如果俾著係你, 有一個人失驚無神打來話你係十年前既同學, 而你對十年前既同學已經無印象, 咁你會有乜反應? 你會唔會以為係騙子想向你埋手? 你會唔會第一時間Cut佢線?

我可以話俾你知, 如果你失驚無神打電話俾你前女友, 佢一定會好odd, 同埋佢一定會以為你係一個騙子想呃佢錢, 所以佢會第一時間cut你線~~~!

所以無論你用乜野電話打俾你十年前女友都會得一個下場: 死, 死得好慘~~~!

另外我想問你, 你之所以想打俾佢, 係因為想同佢做朋友? 定係呢十年來, 你都對佢念念不忘, 想同佢再續前緣?

仲有, 如果你以前同佢發生左d事, 令佢對你冇咩好感, 咁就要睇下當年果件事對佢既影響有幾大, 因為如果影響大既話, 咁佢都唔會點睬你

你可以先由見唔到面方法入手去coontact佢, 如facebook, MSN等, 不過最好用Facebook, 因為如果用MSN, 佢會諗你係點樣拿到佢既MSN同你有乜居心, 但係如果用facebook, 就算係找番以前既同學, 都係好正常既事, 當你用facebook contact到佢之後, 你要同佢網上chat一段時間先, 大約幾個月左右啦, 然後先再約你十年前女友出來, 不過你要約一班同學一齊gathering, 咁樣你十年前女友至會出來, 之後再試下單獨約佢出來啦

如果我中學時代既其中一個既前男友10年後打來搵我
而我又對佢無咩好感.....
我覺得我可能忘記左你
不過如果我仲記得...
我會有少少驚訝
我會覺得你係想追返我
------------------------------
你打去時
你可以問佢仲記唔記得你
如果佢仲記得,你可以問下佢近日點
開下話題
傾得多就會熟返
之後就做到好朋友啦~
加油!

我覺得你地１０年無見，唔好一黎就打俾人，會有啲唐特。。
你可以係網上同佢傾下計先（e.g.facebook, MSN, email, etc)
之後熟返啲就扮問佢電話有無改，話得閒打俾佢ｏｒ約佢食飯，再睇下佢反應
如果你一黎就打俾佢，又唔知佢點諗，又唔知同佢傾咩，咁咪仲衰。。。

如果我１０年前嘅bf打俾我，我都唔介意同佢做返朋友嘅～因為都過咗咁耐，就算之前你hurt過佢，佢都應該放低咗。。。加上當時大家都仲細，好多嘢都唔識諗。最緊要你要俾佢知道你已經成熟咗好多，我諗做返朋友應該無問題嘅～