到底學英文文化要點學起???????

樓上講「文法吾好就視為英文吾好，簡直就大錯特錯」，呢句就真係大錯特錯。
學任何語言，都唔會只得單字；有多過一個字組成句子，就一定會有文法去規範，否則亂砌一通，對方誤會或理解唔到，咁就連語言傳意都做唔到。
所以要學好英文，冇可能唔學文法，分別只係點學。你可以睇書、睇戲，耳濡目染；可以睇一ｄ自己有興趣o既 topic o既英文資料，以我為例，鍾意睇波，就聽英文旁述（橫掂ｄ中文旁述都係不知所謂），上網睇英文新聞、評論。咁做亦同時改善聆聽。
生字、讀音方面，可以學 phonics / IPA，執正讀音同時，又可以用拼音方法幫助記串字。
但寫就冇得懶啦，一定要郁手。你可以用英寫 blog、日記。始終語言唔係術科，冇得背，一定要自己不停運用，先會純熟。

我都有同感
英文既文法的確係好悶
但係香港既教育制度底下讀英文
如文法吾好就視為英文吾好
簡直就大錯特錯lo
我勸你都係看多d article or passage
先可以英文好
而生字吾洗死記硬背
睇得多自然會記得