AudioQuest Power Cables一問

主要係金屬線芯用料同價錢唔同
NRG-2線芯係用Solid Long Grain Copper
NRG-3線芯係用Perfect Surface Copper,經特別處理保證表面平滑同純正.
NRG-5線芯係用Perfect Surface Copper +,比Perfect Surface Copper更高級
http://www.audioconnect.com/html/power_cords.html
價錢方面NRG-3貴NRG-2一倍左右,NRG-5又貴NRG-3一倍左右.

2008-08-14 08:38:52 補充：
訊號線同電源線對聲音有幾大影響一直都係發燒友開火既話題.有啲人話聽唔出,有啲人話直情兩回事.跟據邏輯推繼,有人唔係好聽得出即係分別唔係好大.而我自己亦係覺得分別唔大嗰派.尤其係電源線,除非在插座之後搵啲器材搞過晒啲電,否則在一條窄水喉後面加條大水喉意義唔大.我覺得匹配就得喇,只要唔好幼到唔夠電就OK.唔駛玩咁貴,將啲錢放落器材度實際啲.

2008-08-15 07:14:38 補充：
玩Hi Fi其實同玩車一樣,總有人千方百計去加補品改善器材表現,當中的配搭未必係理性的.
有啲有錢人套器材動輒過百萬,唔通叫佢用條幾十蚊既電源線,換條過萬既就算實際冇乜效果至小限度都安心啲.如果你係用緊呢類器材我都建議你唔好慳嗰小小.
俾得咁多錢起碼用料足,有問題的機會低.

2008-08-15 07:14:51 補充：
一個商品的誕生唔單純係實用考慮的,只要有人肯買,賺到錢就會做.心理消費者其實好多的.曾經就有人話佢由色差轉咗DVI之後畫面好咗20%.20%應該係講緊一眼就睇得出既分別.但之後有人踢爆佢部電視機根本就冇DVI輸入,佢認為係DVI嗰個輸入其實係D端子,即係色差,由頭到尾訊號根本係一樣但佢就覺得畫面好咗20%.其實玩Hi Fi好多呢啲例子.
如果可以的話,建議你真係去聽下有冇分別先決定係咪要駛咁多錢.

.而我自己亦係覺得分別唔大嗰派.尤其係電源線---本人並不認同,用於高級音响器材,一聽便有分別,例如用於power amp,低音會更結實,聽到更多音樂細節和更通透(音色),人聲更厚潤,力水更足(當然視乎不同用料和設計,有不同音色)