有無人養緊「古曼童」？

泰文讀法應叫[谷曼湯]
算係嬰靈既一種,十多年前我托人從泰國請過一隻返黎,但請攪清楚,並唔同坊間流傳[養鬼仔]之旁門左道,[谷曼湯]係唔使用人血供養

[谷曼湯]性別有男有女,我當年請既剛好三歲,師父話[谷曼湯]一樣會長大,可以上香,但必需用糖果/玩具等物品視如正常孩童供奉,當年我仍是中學生,有次放學返屋企,阿媽同我講,頭先原本瞓緊教,但我開緊門果陣,阿媽聽到我間房既上格床,有野跌落床板,跟住聽到好似有人從我上格床一野跳落地跟住跑左出廳...我覺得奇?返房睇下,見到有件比[谷曼湯]玩既玩具係床板,我張上格床放左個茶几仔用黎供奉[谷曼湯],有玩具有糖,但好似比人攪過黎...有D亂

正常[谷曼湯]係唔會做壞事既,除非係宿主教佢

見唔見到要睇你同佢相唔相通,一般係唔會見得到

養[谷曼湯]唔會令人折壽,除非你對佢或令佢做出有違天理既事

每個人死後,都要接受審判,正如人類社會犯左罪要判坐監,刑滿之日就可以返出黎重新做人,當死後贖清生前所犯過錯至可以輪迴,若然帶着巨大業障轉世,其人一是死於非命,一是人生極度嵁

供養[谷曼湯]係一種功德,但係有時限,夠左某個時間佢就會輪迴轉世,唔會一世係你身邊

如已結婚或有小朋友者,只要當平常供奉已可,但切記唔好厚此薄彼,冷落[谷曼湯]

普天之下係無[有求即應]既神或佛,求唔求到要睇你命水同天意,唔好過份執意

講多次,當[谷曼湯]佢係小朋支甚至係一份子去誠心供養,風雨不改,他日佢輪迴之時,你已成就了一份大功德,如果你明白因果定律,就會明白今日你幫過[谷曼湯]做供養,可能第日你出事有人會幫返你都唔定

2008-08-14 18:35:46 補充：
當時我並唔係專登請返黎,可能真係有緣份,本身我家庭信佛教,所以媽媽亦明白我,十多年前同家兄去泰國探師父(順道帶我去拜師),我係第一次去,唔知點解...我Feel到呢位師父望我既眼神有D怪?好似好耐無見果種親切感,由於我唔識泰文,聽唔明師父跟住同我哥講乜?跟住攞左條鏈出黎,示意我收左佢

2008-08-14 20:14:23 補充：
我望望阿哥,佢就話:[呢個叫＜谷曼湯＞,本身係由出世夭折既嬰兒所煉,好等有緣既功德主去供養,功德圓滿之時,就係佢地輪迴之日(道理等同助養或收養兒童一樣,等佢唔使做無主孤魂)其實當時我有D驚...一來本身怕鬼,二來唔知係唔係[養鬼仔]...師父見我好似猶疑咁,又再笑笑口同阿哥講:[佢同呢個小朋友有緣,頭先你地黎,佢就响我衫袋度跳(師父話佢開心喎)叫你細佬唔使驚,佢會保護你,收左佢]

2008-08-14 20:14:47 補充：
跟住阿哥再講我聽,我半信半疑就收左,番到香港後,我照足師父指示,食飯叫埋佢,玩叫埋佢....但真係好奇,之後兩年都特別好運,直至我有次夢見谷曼湯,佢同我講差唔多要走,好多謝我一直以來咁照顧,由於無法即時去泰國問師父,所以我唔係咁上心,依然風雨不改供奉....直至半年後有機會再過泰國,我咩都無講就拎谷曼湯條鏈比師父(當時想試佢知唔知,係真定假)師父望一望,又笑笑口同阿哥講 : [谷曼湯已經輪迴左,你供奉得好好]聽完我先記起個夢...佢真係同我道別,走左.....

2008-08-14 20:14:53 補充：
其實如果係專登去請,當然可以選男定女,以及年齢長幼,改名當然無問題

可以學我咁,唔一定要神枱,細細地既茶几仔都可以,只係用黎放小小玩具/糖果/食物/飲品,但記得食品每三日要換一次,因為會變壞,自己食或飲時都叫埋佢(例如谷曼湯食飯/飲野喇)但記住,同佢分享只可限食物飲品同玩具,其它以外要想清楚至好講,因為有D野你應該知道係唔可以同任何人分享

如果你係真心想供養,最好唔好鬼鬼鼠鼠,同家人商量左先,唔係萬一第日比人發現左,以為你信邪教養鬼仔時仲難收科,我只係分享經歷,唔想導人迷信,好好考慮清楚

任何正常宗教意詣都係導人向善,亦好講緣份,有時刻意追求,得到都未必係好事,希望你明白