第一次有bb,請求教睇醫生流程

其實你要早D去排期, 政府同私家醫院都好爆, 排得黎都 8WEEK囉


首先要排期做第一次產檢, 視乎你想在私家定政府生, 如選政府生就拿驗孕証明信 (去睇普通私家醫生都得) &老公身分證COPY去屋企附近健康院排期, 詳情可睇呢個網址http://www.fhs.gov.hk/tc_chi/centre_det/maternal/maternal.html
11-12週, 做唐氏綜合症測試--度頸皮 & 抽血
18-20週做結構性超聲波, 睇BB心, 肝, 腎, 手指, 腳指齊唔齊, &有無兔唇
28週照4D, 呢個唔係必須, 只係好奇想睇下BB, 唔做都得
呢D政府醫院無架, 要自己搵私家醫生做

依你既講法你都應該係去政府既，咁其實唔使等到八週先去睇架，因為你一早睇左，到時到候做檢查都會幫你照既
因為我果時都係兩樣一齊，所以真係覺得好忙同好累。
你而家應該第一時間去睇醫生，普通醫生都OK架喇，若果你有睇開既醫生就最好啦。去到例牌要驗孕，跟住醫生就會幫你寫封轉介信，佢會問你想去邊間醫院架，不過最好都係近自己屋企架啦，如果唔係到個肚大果時就會好辛苦架喇。
拎住封轉介信去醫院做登記，跟住就會安排你下一次番黎做檢查。真係要快D去做呢件事呀，因為遲左去真係會爆晒冇位架喇，你都唔想到時要訓走廊架。
跟住你就等檢查果日去醫院做檢查就得架喇，通常第一次都係問下你D資料，度高磅重，驗血咁，之後就等見醫生。有D醫院會安排第一次做檢查既孕婦產房同病房，以免第時有咩事或者要生果時都唔知去邊到。
至於照超聲波，政府醫院一般都係照一次架咋，若果冇咩特別同唔係高齡其實都唔使特登去照既。不過有時政府醫院會有D RESEARCH做，係你同意之下會照多一兩次去做產前同產後既分別。我果時就係做左所以比起人地照多幾次~
另外提埋你，呢段時間因為太多野要去做，個人未免會覺得辛苦同累，記住要多D休息，如果唔係懷孕初期好易會見紅，我果時就係影婚紗相影左成日，攪到見紅要休息幾日
祝你有個愉快既懷孕期，生個肥肥白白既BB~

2008-08-13 16:28:32 補充：
基本上去醫院檢查左幾次之後，而又冇咩特別
醫院就會轉介你去附近既健康院做檢查，跟住一直會檢查到生
若果有特別情況，健康院都會叫你番去醫院做檢查既
不過健康院做檢查就冇得照超聲波，同埋唔會寫一天既假紙比你架!!!

我最初係去平時去睇開嘅私家醫生度驗孕,跟住當然係有bb 啦,然後醫生就會問你最後一次經期係幾時嚟計算你嘅預產期同埋會比張證明你有bb嘅信比你去健康院登記,我收左200元.