我6月30號工作時令到手部傷咗(右手),前後睇左兩次急症,亦轉左去職業治療同骨科.
職業治療師話我係外展拇長肌腱鞘炎.而骨科就仲未睇.
我整親到而家返過一日工,其他時間一直都放緊工傷假,我暫時放到20/8.
我是在院舍工作( 活動助理 ),要帶活動,推輪椅,餵飯;我而家隻手間唔中會痛,無咩力,同埋只要用力(例如:拎d野,拎筷子,寫字)手臂就會好酸同好累.我問過醫生,佢話因為手ge筋係連住一齊,叫我不用太擔心.
問題;
1. 我應該繼續延續工傷病假嗎?如果延續的話我怕老細會唔鍾意;但係唔延續的話又怕我ge傷會好難好....
P.S 因為我覺得好大壓力,岩岩整親個陣,老細會打黎問你點呀你點呀?又同我講你可能係心理壓力,又話咁樣整親應該唔會咁嚴重,可能你一返工做野就會無事....
2. 我未放完工傷假,可以去銷假嗎?因為我唔明白信上ge意思;打去問,聽電話個人無答我問題就收左我線...
希望有人可以幫幫我....
謝謝!!!
有關的工傷問題~~~
2008-08-13 1:00 am
回答 (2)
2008-08-13 1:28 am
✔ 最佳答案
意外大家都唔想，你有工傷假紙，就要照醫生吩咐養傷。老細唔可以迫你返工，同埋要根據勞工法例比人工，到判傷時，會決定有沒有賠償，賠幾多。 如你在工傷期間取消休假返工的話，可能會影響傷勢，僱主亦有籍口因為你要復工，令病情惡化，而拒絕給予復工後的工傷假，亦唔會有賠償。
因為根據勞工法例，如顧員沒有依照醫生的指示接受治療（包括︰服藥，物理治療及休息等），僱主有權唔比病假人工。
你要將所有工傷假紙，醫生紙等各樣証明，自己留一個副本。僱主要依正常糧期支付薪金，不能拖到工傷假期完結才支薪，有咩唔明，直接上勞工署問清楚。
記著，工傷期間，不能開工，僱主點逼你都唔可以消假開工，唔好心軟，你要保障自己的健康，同爭取合理的工傷假期同賠償。
2008-08-24 8:58 pm
１）你有工傷，日子也不好過。
２）請認真依足醫生的吩咐，比工傷假予你，你就要放。
３）目前不用理會老細的感受，先行處理好自己的傷勢，才是上策。
４）絕不可以聽從老細的說話，不可以在工傷期間銷假返工。要聽從的，就要聽從醫生的吩咐。
５）不論你返咗工幾耐，工傷最長都可以攞兩年的，在特別情況之下，還可以延長多一年工傷假的呢！即前後共三年。
６）你現在要做的就是要好好的養傷，以及工傷病假紙不要斷。來自老細的壓力可以不理，因健康是自己的。不能用錢來衡量，可知道，錢不是萬能的。最低限度，不能買回健康呢。
７）如有需要的話，你可以打２４小時政府熱線１８２３，對接線生講，是查詢勞工法例的，便有勞工處的職員協助你。不過，最近這熱線，已收由：自行對錄音說出，你想找的有關政府部門名稱，你只需在”咇”一聲後講出：勞工處。
２）請認真依足醫生的吩咐，比工傷假予你，你就要放。
３）目前不用理會老細的感受，先行處理好自己的傷勢，才是上策。
４）絕不可以聽從老細的說話，不可以在工傷期間銷假返工。要聽從的，就要聽從醫生的吩咐。
５）不論你返咗工幾耐，工傷最長都可以攞兩年的，在特別情況之下，還可以延長多一年工傷假的呢！即前後共三年。
６）你現在要做的就是要好好的養傷，以及工傷病假紙不要斷。來自老細的壓力可以不理，因健康是自己的。不能用錢來衡量，可知道，錢不是萬能的。最低限度，不能買回健康呢。
７）如有需要的話，你可以打２４小時政府熱線１８２３，對接線生講，是查詢勞工法例的，便有勞工處的職員協助你。不過，最近這熱線，已收由：自行對錄音說出，你想找的有關政府部門名稱，你只需在”咇”一聲後講出：勞工處。
收錄日期: 2021-04-13 15:56:35
原文連結 [永久失效]:
https://hk.answers.yahoo.com/question/index?qid=20080812000051KK01986