問澳門政府工

考政府工途徑一般有三種:

第一係澳門政府憲報開考公佈
第二係澳門行政暨公職局-公職就業登記
第三係登報紙

好多考試都有三部分:
1. 知識考試,
其中一part係考法例,一般都可以帶入去參考,你最好係之前睇一睇佢要求的法例,有個印象,到考時,你就可以快d可以找到所需要法例. 如果係一d專業d職位(如電腦),法例相對會少d,甚至唔會考.
如果係政府憲報登及報紙登.一般都有考試大綱,你可以細心D睇睇,一般文職工作就好多法例要識,公職法,點樣出數買o野,公務人員點樣評核,行政程序,基本法等等都係常出的題目,平時有時間你都可以睇睇.
如果係澳門行政暨公職局-公職就業登記,如果佢覺得你合適,會叫你交履歷上去,之後會叫你筆試,o個d就唔一定有考試大綱,因為我都試過冇考試大綱去考. 不過相對又易d入,因為周你爭o既人比起公開考試少.不過一般都係用個人勞動合同你請
其實考試唔係好難,有時都係出d基本o野,如果係考文職,就要對法例熟d,要識得引用咩法例,例如要買一批文具,你要知用邊盆數去出,要幾多間公司報價等等,要識咩法例就視乎你係考咩位,做d咩o野. 所以有時d人政府工轉去另一個政府部門就易d,就係因為佢地熟呢d法例同埋知個程序係點.

二係專業面試
面試其實唔難,都係傾下計,你最緊要之前睇多d哥個局ga資料,如佢個架構係點,有幾多個副局長,個局主要工作係d咩,要知局長同副局長叫咩名.(我曾經有個朋友被問呢個問題,佢唔識答)你之前工作性質,平時會係做d咩,你識d咩,有冇業餘進修(最好有啦),有咩嗜好等等.同埋一般都唔會考英文,除非係你考ga工作需要啦.

三係履歷分析
履歷分析就冇得講啦,因為佢典試委員會去評審.你都冇o野可以做,只可以做就係之前你個履歷好d,讀多d進修課程,工作經驗多d,學歷高d,會有幫助.

如果你係想做政府工,不妨考一d低少少人工之工作,如195,260等等,相對呢d位會易考d,同埋都走o左好多人去賭場. 入o左之後先再打算,有d經驗再出去考更好職位. 遲d新公職法,可能會由行政暨公職局統一開考,可能會更難考,要考就快d.