第一次懷孕...好多問題

1) 我諗你應該係想知檢查既過程喇，通常第一次去就要驗血，驗小便，度高磅重，之後有姑娘問你之前有冇懷孕過(包括小產)，上次經期日子，屋企人有冇遺傳病同其他個人資料。跟住就入醫生房做檢查，入到去又問下你有冇咩事啦，冇咩特別就會叫你除褲訓上床，開始做檢查。一般都會用一個機器放係你肚皮上聽下有冇bb心跳聲(太早可能未聽到)，會伸手入去檢查(嚴格黎講都係手指架姐)。若果你之前未做過抹片，佢會幫你拎組織去驗，方法係用個鉗撐開下面，用棉花棒"了"小小組織，全程都唔痛既，不過會有小小唔舒服，只要放鬆自己就ok架喇
2) 可以陪架，不過就要之前申請同埋上堂
3) 頭三個月未夠穩，萬事都要小心，若果有見紅或者肚痛唔舒服就要睇醫生，要有足夠既休息。仲有D古老傳說話孕婦係到既時候就唔好裝修，釘牆，扎鐵，鑽牆，唔好搬屋同移床。雙手唔好舉高過頭，唔好大動作，唔好'戍'低，會有機會小產。呢D都係老人家教落既，信不信由你
另外，就係要保持身心健康，個人開朗D，有充足既睡眠，適量既運動，定時進食，食有營養既食物，可以既話每日飲杯奶，得閒就行下，吸下新鮮空氣，著D舒適既衣物，平底鞋。
4) 補身又唔使咁快既，若果你想BB出世飲人奶，你就可以而家開始日日都飲湯，尤其魚湯，又有益又有營養。如果你真係想補下身體，諗住穩D，可以去睇中醫，佢地會就住你既身子開安胎藥比你，飲左復會安胎定神。不過就一定要搵個有信譽既中醫。
食物方面，煎炸熱氣就一定唔好食，雖然唔會引致流產，但係都對於孕婦同BB都冇益既。海鮮類除左魚之外，其他既都盡量避免，因為海產帶毒性食左有機會會影響到BB既皮膚同身體機能既發展。至於生冷、寒涼野，基本上都係可免則免，雖然係因為唔同身體底子既人食左有D人會冇事，不過大人冇事姐，你唔知肚入面既BB有咩反應架嘛。始終呢D食物都有機會會影響到BB既呼吸系統，同埋有子宮收縮既機會所以避免進食。
生冷野係包括任何雪過既食物飲品，而寒涼既就包括豆漿、西米、涼粉、香蕉、西瓜、海帶。如果你一時忍唔到口，一兩淡都唔成問題，不過就真係唔好多

1. 抽血, 照超聲波等, 我相信已有醫生同你講解了.

2. 其實間間政府醫院都有陪產服務, 不過要申請, 詳細可向威爾斯問清楚, 因間間申請日期時間都不同的.

3. 要休息多d, 避免過份操勞, 要心境開朗, 不要時常擔心那麼多. 多聽一些令你心情輕鬆的音樂. 這樣會對bb 好的. 因當bb 心情不安時, 只要播出一些你大肚時經常播的音樂時, bb 心情會變得平靜起來.
至於食, 只要乾淨之食物均可,不要戒口戒得太清, 否則怕將來弄巧反拙, 海鮮蝦蟹等食物, 均可進食, 但避免太多, 一兩隻蝦或少量蟹腳都可以食的. (我朋友就是戒得太清,結果bb 出世後, 發現皮膚敏感,氣管敏感等; 而我沒有戒口之下, 兩個小朋友反而沒有敏感)

4. 餵人奶者, 避免太進補, 因而導致bb 皮膚敏感 (出現紅疹及心情煩躁). 避免飲酒, 例如薑酒, 因會令bb 喝醉而昏昏欲睡, 不願喝奶; 飲南棗水, 木耳蒸雞. 都可以補而不燥的.
如不用餵人奶者; 則市面d 進補都可以進食.
不過,無論是餵人奶或不餵人奶, 進補時, 都要惡露完全清潔後, 才可進補的.