２０點～年con問題

我咁帶0既....
(1)中指拉低眼肚位置,食指拉高眼皮,靈活d果隻手,食指同母指,好像m(長度米的英文讀音)人咁,一定要望住隻手(小心留意con是否在眼內,不然你狂m都無用,而且會弄傷眼角膜,會很痛)

(2)中指拉低眼肚位置,食指拉高眼皮,靈活d果隻手囉con(註意隻con正反面,反轉了會看到邊位向下堯,正常是半球形),眼要張大,望住隻con,con入了眼後先放中指,向下望,再放食指,四周圍望(主要望下) 正常應該ok了

(3)有幾個可能性
1.你隻con洗唔乾淨
2.你帶con時失敗太多次,再洗一洗con比較好,因為手不一定乾淨
3.你隻手有刺激性的東西,帶con時沾了入眼(本人試過,超痛)
4.你失敗太多,眼角膜開始發炎(成隻眼會紅晒),停5-10分及用眼藥水之後再帶
5.最後多次失敗,當天就帶普通眼鏡好了,眼睛因為發炎會有30-60分鐘 的微痛
6.隻con反轉左


(4)手在帶前洗乾淨,用紙質比較好的紙巾弄乾,要乾,囉con技巧就要睇你啦,囉con用不靈活的手囉,放在靈活的手,食指頭位置,就不怕手弄濕手con黏手

(5)其實你買con到應該會教你點帶架,好專業架,去問問

以上為個人意見,只作參考,有錯請指出
有問題還是請教醫生或專業人仕
(望住隻con好重要)

2008-08-11 20:24:35 補充：
帶左con後,過了1-3分鐘還是很痛,請立刻除左佢啦

普通的吉眼是正常的通常過了15分鐘就會好d架啦
因為眼睛未習慣有野係隻眼到

2008-08-12 13:05:46 補充：
第二點有講到con點分正反面

(1)首先用你唔常用隻手用中指放在上眼皮向上拉,而另一隻手既中指就放在下眼皮向下拉,用下面手既食指與手指公在con較下的位置向內輕夾,而你是新手最好放一面鏡在前面頭稍向下,隻眼向上望,這位置會較易除,而你的手指甲不要過長因好易會割損眼角膜,除的時候要用手指頭的肉夾出黎,千萬唔好用指甲

(2)手清潔後要抺乾,如果唔係就好易痴住隻手指,同樣放一面鏡,集中看住一點,又係用唔常用既手拉開上眼皮,另一隻手中指拉開下眼皮,隻con放係食指頭既肉上,cup上眼珠位置

(3)隻眼好吉一. 可能你之前已經整損左眼角膜,咁你就要停帶
二. 隻con可能係個邊位係你帶既時候弄壞,咁就一定要換
過副con
三. 隻眼太乾,只要去買戴con專用既淚水眼葯水,唔好買d
有葯成份嗰d,因為用得多會導致青光眼
四.隻con入面有異物,只要戴之前清洗乾淨就得
五.你反轉左隻con帶
六.隻con弧度唔岩,但極小發生,因為你配con時,視光師會
check埋個弧度

(4)只要抺乾手同減小手指同con既接觸面就得, 同con放係手既位置係
con 既中間係接觸面

(5)隻con放係手指度側望呈半圓形, 而唔係扁左既半圓形, 而且有d con
有好細隻字係度,你正望到佢冇反轉就得

其實我試過有隻con太貼自己除唔到,要到眼鏡舖到搵人幫我除,
除左以上方法外,唔同牌子既con軟硬度唔一樣,都會令你覺得易帶d,
仲係學唔識既話去返配con嗰度,佢地會慢慢教你架~