✔ 最佳答案
如果你英文會考成績係2等既話,
我建議你補June
我兩個都補過,
不過June 我係補過一期, 唔記得中三定中四果陣
而Amanda 我就補左全個form5.
程度方面
我覺得阿June 教d 野係比較淺,
而且進度較慢,
對於成績一般既考生, 係比較容易吸收,
可以幫助佢地鞏固基礎
而amanda 既課程係適合一d 英文水平較高既考生
好多時佢教既生字同埋句法,
成績一般既學生都係難以掌握,
如果你會考只得level2,
我會覺得你未必handle 到佢所教既野,
你背熟哂d生字, 都唔識用返出黎,
甚至用錯, 俾人倒扣分, 弄巧成拙, 白白浪費金錢
改文方面
阿June 我就唔知佢有冇得幫你改文, 印象中就係冇既..
Amanda 就會幫你改文既, 但都係大概一個月交一篇
價錢方面
June 會平過Amanda
June係補習+speaking既practice 先等如Amanda單補習既價錢
大概一期四百幾蚊
上堂方面
上Amanda 堂會輕鬆d, 會超時俾你, 另外有時會有test
阿june 堂就係教完就走, 準時上堂, 準時放學, 而氣氛係較悶..
其實, 想英文好, 唔係淨係靠補習既
始終補習一星期一堂, 一堂個幾兩個鐘,
又點會真係幫到你d乜野, 只係一個輔助角色
平時你都要自己操多d 練習
買多d 坊間既練習做啦, utopia, longman 呢d都唔錯架
writing 作完叫學校miss/sir 幫你改啦!! 咁先improve到. 加油.
