TAI PO 視窗眼鏡公司

TAI PO 視窗眼鏡公司





視窗眼鏡公司
今日諗住去揾問眼鏡舖配對隱形眼鏡，
咁啱見到大埔有間視窗眼鏡公司 諗住入去幫趁囉，
一入到去，得個青靚白淨學人係下巴留幾條鬍鬚扮型ga靚仔就算，
我走埋去話要配傳統形隱形眼鏡，一咁講佢就已經唔係咁like，仲係咁係度死推one day隱形眼鏡，
話咩買六送一好扺，呢樣果樣，但係我慣咗戴傳統形ga，再加上我係諗住配黎做運動行山時戴，
咪話佢聽我都係買傳統形得喇，
於是佢咪話幫我驗眼囉，
ok，驗完眼之後，我比埋副眼鏡佢check度數，其間佢淨係問我副眼鏡戴咗幾耐，我答完佢就唔出聲咁填咗份from，
然後就將份野交比一個突然出現ga中年阿叔，
個阿叔一坐埋位，就又寫咗一輪，
然後同我講
「小姐，妳諗住配傳統隱形眼鏡呀？」
「係呀。」
「但係傳統隱形眼鏡因為已經冇咩人用，所以要等好耐，重分分鐘斷貨tim。」
「咁即係要等幾耐？」
「我地要同妳check吓有冇貨先，不過訂貨ga話坐底要成兩個月，不如你考慮吓‥」
「唔使喇，我淨係想知點解要等咁耐？」(我之前問過個後生仔佢明明話只要一個星期就ok )
「呢啲鏡而家冇人用，咪成日斷貨囉，一斷要訂的話至少成兩個月ga!但係one day果啲就實有貨，而家重好抵‥」
「咁你幫我check吓睇吓有冇斷貨先囉。」
「而家check唔到呀，佢地收咗工喇，要check都要聽日，妳副鏡係咪急住要呀？」(可能之前我問個靚仔幾耐先攞到鏡so佢諗住可以用呢個做point)
「急就唔係咁急，咁你聽日先覆我囉‥你地會幾點覆我？」
「唔知架，可能下晝，可能好夜，我地都要等佢地覆‥」(語氣同態度都變得好差 )
「咁好喇，你有消息通知我，我要先再過黎。」
我己經即時閃人，但係真係越諗越激氣，以前我幫趁開佢其他分店都覺得佢地好ok，啲人都唔錯，
當然我覺得有時會斷貨都唔出奇，
但係個中年男人真係好求其囉，一坐低就話會冇貨，又話要等好耐好耐，
我驗完眼都唔知自己幾多度，(而且真係驗得勁快，剩係坐落部機將個下巴放上去，一隻眼兩妙都唔知有冇)
感覺佢地一啲都唔專業，我去過咁多間眼鏡舖，啲視光師驗完都會按例同你講你而家幾多度近視，
你副眼鏡check過，比垉而家深幾多幾多咁‥
但係佢地一啲都冇講囉！剩係想我唔好買傳統形，
比人個感覺勁 hardsell 囉，真係估唔到大埔呢間咁衰