✔ 最佳答案
我就唔係中一至中三,但我個仔係,我可以話你知。
通常一星期返五日,學校訂飯0既(呢度已有飯錢)
平均每月飯錢=$300
每日再俾$10x20日=$400
八達通平均一星期$50*4星期交通費=$200
(飯錢連交通費已經額外幫個仔俾埋,咁淨用0既零用
錢就有$400)。
其實,都夠啦,早餐屋企食,佢唔0係企食0既話,
佢會將每日俾佢0既零用,無用哂而儲落0黎0既錢
會出去同同學仔一齊食早餐。
講真,如果家庭唔好,支出大,新聞都有睇,有時真
係要體諒父母囉。雖然窮,但如果父母能俾到基本生
活需要你,如供書教學,三餐溫飽,著得暖,有屋住
,應該感到慶幸。而家你俾心機讀書喔! 反而我覺得,
能夠憑自己本事買自己鍾意0既0野,先至真係有成
功同滿足感0架。(仲有,買0野都買得開心0的,
有錢0個陣都買0野都買得疏爽0的啊!哈~~^_^ )
p.s 請唔好誤會啊!我唔係教你做人,只係閒聊心態
咁講0者,樓上都有網友都係每日十蚊返學,有0的
都話,同父母講,根本唔需要擔心有幾錢返學囉。我覺
得佢0地講得好0岩喎,你唔同父母講,佢0地點知你
想點呢?只要間唔中唔係成日係咁,我覺得有商量餘地
0既。因為有時我個仔想同同學食0野,我都會額外再
俾多十蚊佢,即有廿蚊一日,學校有飯食,小食部0的
0野又平,咪間唔中無所謂囉。