想買單鏡 - 初級單鏡 同 中級單鏡有咩分別?

初級機同中階機最主要係用料用操作上既分別,畫質反而唔會相差好遠,甚至冇分別.
初級機機身通常係塑膠,中級機機身多數係金屬,耐用性同堅固程度都會有分別.而且手感較好,握持比較穏定,但有啲人鐘意機身輕,可能鐘意初級機都唔出奇.
初級機通常只會用鏡箱做觀景窗,中級機多數會用五稜鏡,較光亮清晰,對於一啲需要手動對焦的題材會睇得比較清楚.
對焦系統及連拍速度的分別.中級機會比初級機有更多更精確及快速的十字型甚至雙十字型對焦點.初級機通常只有中央一點是十字型,對於一啲唔可以用中央對焦點再構圖的題材例如運動拍攝等非常有用,更高的連拍速度亦有助補捉精乎一刻.
中級機會多啲快速掣去幫你完成設定,例如兩個轉盤一個設定光圈一個設定快門,初級機可能就得一個轉盤做晒兩樣.有啲初級機會冇景深預覧,有啲中級會多個掣可以即時自動對焦變手動對焦等.
當然中級機價錢會比較貴.

2008-08-19 09:16:54 補充：
對焦點多啲實唔實用視乎你點用部機,如果單單影下風景其實就可能真係用唔到.
例如影一啲主體不是在中央的淺景深照片,用中央以外對焦點就可以大幅減小要移動相機構圖而引起焦點不正確問題.
又例如一些運動拍攝,主體郁來郁去,根本冇時間俾你對完焦又再構圖,有幾多對焦點就決定構圖彈性有多大,淨係用中間一點的話主體就永遠只可以在中間.
有啲畫面一瞬即逝,例如藍球入樽一刻,連拍快啲撞中啱啱影到入樽一下機會就大啲.
Sony也有中級機及入門級,我唔係好認同A700會同A200冇乜大分別.

2008-08-19 13:57:38 補充：
影死物其實入門級都OK的,佢唔會走咗去,你可以慢慢對焦,唔得影到得.
但係影狗由於有機會會跑來跑去.中級機既多點十字型對焦同高速連拍就會得心應手好多.
Canon可以考慮40D, Nikon就可以考慮D300.
不過動態補充要配合大光圈鏡頭先發揮到.最好買有恆定f2.8光圈既鏡頭.

其實講乜都假 來來去去 中級机對焦點多d(未必實用) 連拍快d 机身重d 冇乜特別 本人初初試机時係旺角地鋪 都遇到不耐煩對待 本人見議到旺角sony陳列室試A350 A200 A700机任試 任問 服務態度一流 本人不是恿你買sony 但會愉快地對單反机學到有一定應悉