岩岩開始既時候,真係好開心好開心,佢個樣睇落唔似廿幾歲,我個樣又比較成熟,所以我地唔覺得年齡係我地間既問題,佢話同我一齊個種感覺好自然,冇壓力,呢d就係佢想要既,因為我地2間鋪頭好近,所以我break個陣佢會過黎搵我,又會接我放學(近學校),但係日子耐左...
可能有時候佢既大男人脾氣,佢會係條街度鬧我(好多時都係我做錯),
俾街d人望住晒,我同佢講過好多次呢個問題...佢話佢都唔想,我地慢慢就開始成日鬧交....一d好少好少既事都可以嘈得好勁,我怪佢成日陪朋友,唔理我,同埋佢身體又有好多女性朋友,其實佢好想我同佢d朋友玩得埋,但係年齡差太遠,我試過但都唔得,就係因為我成日唔俾佢同d朋友出去,佢d朋友都開始唔中意我,佢話我唔信佢...因為我有時會cheak佢msn同電話,可能係因為上一任男朋友既關係,佢做左太多傷害我既野同成日呃我,搞到我宜家唔係幾信人,就算明知宜家個男朋友係擔屎都唔偷食,我都好怕佢呃我,到我冇做份工之後...佢慢慢同我講話覺得好有壓力,唔單止我,仲有工作個方面,佢話開始支持唔住,我同佢一齊左之後,佢洗晒佢儲左好耐既錢,因為我仲係個學生,出街好多時都係佢俾,我係一個好悲觀既人,當我唔開心既時候,佢都會開解我,叫我唔好再諗,唔知係咪咁,慢慢佢個人都開始好悲觀...成日都好易唔開心,但係佢仲係愛好愛我,當每次嗌交嗌到好"行"個陣,我真係忍唔住話分手個陣,佢都會捉住我唔俾我走,話分手就死俾我睇,到左今年4月....佢突然對我冷淡左好多,連電話都唔想傾...面都唔想見...個排佢要轉第2間公司,佢為呢樣野都煩左好耐,個陣佢d錢已經所淨冇幾.....直到有日佢接我放學,佢好似好唔捨得我番屋企咁,佢送到我去馬路,問我肚唔肚餓使唔使買野食俾我,我走左之後,佢都唔肯走,一直企係原地望住我行番屋企,到我消失係佢視線範圍,
佢先打電話俾我同我講: 佢話望住我,好似覺得我已經唔再屬於佢咁,佢自己都覺得對我差左, 佢唔知道係自己淡左,定係習慣左,佢話佢自己都少左諗起我,佢話佢希望自己可以改番好,叫我俾d時間佢,我真係好驚好驚佢離開我,跟住個個星期我好努力咁去挽救我地既感情,但係我係呢個時候入面發現佢msn冇啦啦多左個女仔,佢地仲會sd sms,呢個女仔本身係佢d客,我都識,我怕佢話我小氣話我唔信佢,於是就扮唔知.....冇耐我地嗌交,佢第一次同我講分手,個陣我真係好痛好痛,係咁喊喊喊,我3日都冇搵過佢,但係佢都係睇我xg...3日之後,佢黎接我放學,但係我扮見佢唔到,直行直過
佢夜晚sd sms黎同我講話想見我,問我可唔可以見一見佢,開頭我唔肯...後尾衰心軟....係公園度佢喊,同我講對唔住,話唔捨得離開我,我話我驚同佢一齊番之後,佢又會話分手,後尾都係一齊番....一個星期之後..佢問我:如果我話唔愛你你會點,我知道佢又想分手...佢又係咁話冇野...又唔嗲唔吊,於是我一個星期唔搵佢,一個星期之後,我忍唔住話好掛住佢,
佢同我講其實佢都係....佢叫我俾時間佢....過左一排,佢話俾唔到我想要既野我...話要分手,我真係好唔捨得,我不斷挽救,但係佢都好決絕,係我生日既時候,佢連一面都唔肯俾我見,仲係電話度係咁鬧我,個陣真係好心淡,後尾我係個個女仔xg...見到個個女仔張相係係佢屋企影 打俾佢問佢係唔係因為個女仔同我分手,佢死都話唔係,佢同個女仔都唔認....
尾我同我新男友出街,咁岩撞正佢同個個女仔,佢見到我好快就走左,跟住sd個sms黎:你男友都幾好丫,要開心同佢一齊,忘記我呢個衰人,過左一排,我將我織既頸巾同埋一本日記拎俾佢,我見到佢銀包同埋電話張相都仲係我,佢先認話係做戲俾我睇,話佢離開,係想我成熟,佢已經放低左我,但係仲係好關心我,叫我好好咁過,唔好傷害自己,佢話佢愛得我太深,同我分開,要呃我之餘,仲要呃埋佢自己,個日我再一次問佢,係咪唔可以再一齊番,佢話係,
我係電話度喊住咁同佢講:如果係唔可以一齊番,咁你就唔好再睇我xg,唔好覆我任何sms,唔好俾機會我見你,因為咁樣會令我覺得你仲中意我...傾下傾下我係電話度聽到佢喊....我:唔好俾我知道你為左我而喊,因為我會唔捨得.....第日佢xg打左一句:飲醉......我跟住半個月冇搵佢,佢都好似失左中咁,到左呢2日我係咁打俾佢 sd sms俾佢佢都唔理我...佢同我d朋友講話唔會覆我,我朋友問佢點解分手,佢話連自己都唔知道,,3個月喇......
分左手3個月,我都係放唔低佢,真係好辛苦,成日發夢見到佢,跟住就喊....諗起以前既野,就會好難過,有好幾次真係想死左佢算,但係一諗到自己屋企人,就唔捨得,點解一次機會都唔肯俾我?我試過令自己好忙,想冇時間諗起佢,搵一個新男朋友令自己忘記佢,但係跟本冇可能,我做d咩,去到邊,都有我同佢既回憶,都會諗起佢,我知道佢仲中意我,但點解要咁樣,我真係好想重新黎過,希望你地幫下我,,要你地睇咁多字,真係唔好意思
