問有關標清電視機用高清機頂盒

係可以的,所有機頂盒都有標清輸出俾舊式電視機用的.
數碼廣播一係收到,一係收唔到,係唔會收到但係又有雪花同鬼影的.
但係如果接收太差,會有可能好似VCD咁爆格.你只係有小小花,應該就冇問題.
機頂盒分普通版同升級版.升級版貴幾百但係可以收埋高清台,就算冇高清電視,一樣可以享受改變畫面比例,選擇子幕,看資訊等功能.普通版機頂盒則只可以睇翻原有模擬廣播的四個台.因為你即將會買高清電視,所以建議買升級版機頂盒.
考慮到日後需要錄影功能,其實可以花多小小買有內置硬碟的機頂盒,即所謂高清錄影機,無論穏定性及便利性都比外置硬碟好.
另外大厦天線係有機會要改裝咗先可以接收數碼廣播的,最好問問管理處
另外要肯定你已經在數碼廣播接收範圍內,你可以去電訊管理局網頁輸入你的位置查一查,以下是網址.
http://www.ofta.gov.hk/zh/index.html