有咩方法可加快增加儲蓄既金額? 請指教!

本人而家儲左14萬左右(包含基金同股票), 希望年半內買樓, 需儲44萬~

現在我每月可儲$11500~

逢年尾有一筆雙糧花紅, 所以2009年1月可以額外加多$20000, 即2009年1月可儲$31500;

逢4月會加人工既關係, 所以2009年4月至2010年3月, 每個月可以再儲多$1000, 即係$12500; 而因年尾派雙糧花紅關係, 2010年1月可儲$32500;

我自己計過, 2010年4月可以夠數, 但係我想睇下有咩方法快d~

講下我儲蓄方式, 就係好傳統咁每月入錢去恒生綜合戶口度~

投資方面, 舊年用$53000買左2隻JF基金, 分別係JF新加坡同JF亞洲內需, 到現時為止蝕左$13000, 睇下等佢升番到差唔多買入價放左佢, 其實呢2隻野我都唔知點搞!
另外, 幾星期前以$118左右買左1手匯豐諗住收下股息好過齋放戶口, 各位覺得我好唔好再入匯豐或其他股息較好既股?

因見基金蝕錢, 所以有d怕怕, 就算買股票都係買匯豐呢類股票, 風險唔係太大而又可以收唔錯的股息~

希望各位比d建議我點儲會快d, 而d錢係可以拿得番晒出黎買樓的, 多謝大家意見!