老公話同個女人只係朋友

首先你要搞清楚你老公係咪同那位女子單獨食飯, 定係一大班同事食飯

仲有, 佢地都只係同事間食下飯jei, 又唔係有野, 如果現階段你去質問佢係咪對那位女同事有意思, 或者你久唔久就問佢同那女同事仲有冇來往, 咁佢慢慢因為你既神經過敏而由唔出軌變出軌, 所以唔好咁快就覺得你老公有外遇住

不過, 溫和既警示都要做既, 你要向你老公表明你好愛佢, 同埋你信佢同那女同事係冇野既 (就算你現時認為有都要咁講), 不過你係一個小女人, 老公同女同事(如果)單獨食飯, 你係有少少介意既, 你話你唔好可以無左佢, 全家人都好需要佢, 你尤其更加需要佢, 希望佢會明白

記住講呢d野果陣要態度溫和同平靜, 唔可以動氣咁講, 唔係就會有反效果

當然可以啦, 既然他都說只是普通朋友,若你表露不悅或大吵大鬥,他只會以為你無理取鬥,妒忌心重等,男人只會找籍口說妳的不是,但不會理會你的感受。所以最好的方法是以其人之道還治其人之身。你也找幾天不回家吃飯吧, 最好出門前打扮得比平時漂亮一點,但是否真的約了一個男性朋友並不重要,出門前甚麼也不用說,若他問你為何不回家吃飯,妳便說約了一個男性朋友吃飯,更要強調妳跟那位男士只是普通朋友,然後看看他有甚麼反應,若他生氣或不喜歡,那麼妳便強調妳跟那位男士只是普通朋友,並反問他為他可以同某個女人食飯,而妳不可以。若他接受不了妳跟別的男士吃飯,那麼妳叫他也别再見那女人

唔好信呀! 不過現時你就不宜太激動住, 要冷靜搜集證據! 睇下佢會唔會成日秘密傾電話, 唔返屋企食飯, 週末偷偷出左去, 有冇收到d情慾sms或者email, 如果有證據, 攞出黎質問佢, 佢就冇得唔認, 之後問佢去到邊個stage, 佢唔分手就威脅分居, 仔女係你到, 只要你唔好歇斯底里, 平心靜氣同佢傾, 你贏面好大

如果證實到目前為止, 都只係朋友關係, 就更加唔好發癲, 冷靜同佢講你既擔憂, 且話俾佢聽佢已結婚, 要小心避忌, 同埋男冇心, 女可能有意, 叫佢自己唔好令人誤會。加上同佢講, 10幾年既感情得來不易, 要佢珍惜家庭, 且趁機會檢討你地既婚姻不完美既地方, 大家努力改善

既然有咁良好的紀錄，應該信佢，而且佢都有告訴你去食飯，你應大方一些，人應該有某程度的自由，不應結了婚便要失去自我，如你有一個傾得埋的男性朋友，你也想保有這份友誼的，將心比己是最好的對策。