〔拍攝高手請進〕ＳＯＮＹ　ＤＳＣ－Ｔ３００一問

ISCN是一個用來應付逆光環境的功能
有時候現場光差太大,單靠調節光圈,快門係兼顧唔到前後景的曝光值的,最常見就係背光影人,一係就個人黑晒,一係就個天空白晒.
一般做法係用內置閃光燈補光平衡翻前後光差,但咁做有兩個缺點,一般輕便機尤其係T300一類卡片機,閃光燈有效距離非常短,尤其太陽光下光圈可能較細,好多時都唔夠力,閃完個人一樣好黑.而且卡片機閃燈係完全直射,光質好生硬,人物如果有面油會睇到反光.
ISCN就係用機內軟件計算,將相片暗位推光,情況好似在電腦用Photoshop的shadow功能一樣.
這樣方法仲可以應用到一些不能用閃光燈補光的情況例如背光的是一座大厦或者一座山.
不過夾硬推光暗位既缺點就係會將暗位既雜訊顯現出來,影像會比較粗糙,如果影人,老實講我覺得都係用內置閃光燈補過效果好啲,真係唔夠力先好用ISCN.
至於ISCN+就係同時儲存兩張相,一張係原汁原味冇經ISCN加工過的,另一張就係經ISCN推光暗位的,等你自己事後決定要邊張,這個方法雖然保險,但就要多佔一倍記憶體.
至於影video唔夠長時間最好方法當然買多幾張記憶卡,否則就要在質素方面有所取捨,最高解像的640 x 480 30fps其實在電視睇只可以叫啱啱夠,要慳位可以揀16.6 fps,不過就會冇咁流暢,再低的320 x 240則只適宜作紀錄用途.