20分!貓去唔到廁所:( 好心人請入.唔好COPY野俾我!THX

貓貓的情形似是尿道炎，有可能亦會係屎結石，唔睇醫生唔得，後果會好嚴重，再拖可能會導致膀胱爆裂及急性腎衰歇等等的後遺症！膀胱爆裂會令貓貓尿種毒，而有生命危險的
這情形下不宜拖，如果金錢上有問題．你可以試吓非牟利動物診所，不收診金．只收藥費。

太子基隆街２４號，Ｔｅｌ：２３９３２３９５
或
ＳＰＣＡ她們有個減免計劃，但只收會員，不過你可以試試唔好打電話預約，直接帶貓貓去睇，因為
question只按指示辦事，直接帶貓貓去睇醫生，再由醫生決定收費，但必須說出係街貓

而家最緊要係貓貓睇咗醫生先

2008-08-11 08:54:54 補充：
你有冇諗過同你隻街貓及其它牠的同伴絕育的打算？

如果有此打算，你可以加入愛協的ｃｃｃｐ計劃〔街貓護理員〕同街貓絕育係免費的，睇醫生有九折，但亦可以因應你的環境，經過審核後而申請減免

其實餵飼街貓，真係要諗清楚，當你每日餵開佢地，貓貓已經倚賴咗你，這份感情會變成責任，老實講，我地做獨立貓隻義工的，所有支出都係自己負責，社會可以給的資源實在有限，所以看醫生的錢及日常開支，我地要响平日作好準備的。

當你一時的惻隱之心，餵第一口糧給貓貓食時，無論是街貓與否，這已經係一條不歸路嚟

2008-08-11 09:19:23 補充：
仲有：好想知道你係買邊隻貓糧餵街貓的？

因為有些質數唔好的貓糧，會好容易令到貓貓食出事的，超市糧不在話下，就算一些寵物店內售買的，例如＄１００多小小便有成２０ｌｂ嗰啲，都一樣可能係唔好的

2008-08-11 16:21:22 補充：
１）剪了耳仔角的貓，是否由你帶牠去絕育的呢？

否的，那應該會係由義工帶貓貓去絕育的，那應不只你一個去餵貓貓了，你可以留下一字條貼在附近，總之可以留下訊息給該義工看到便可。

１４歲有愛護動物的心，本來係件好事，但因為個人的經濟能力始終有限，有冇諗過開始為貓貓儲點錢，你餵開唔餵，隻貓貓好似頑可憐咁，又唔知餵開的義工有冇繼續餵！
見貓貓有事又冇錢帶牠去看醫生，你同佢都會好慘，小朋友，Ｅ條路，唔係咁易行架

２）PRO PLAN有好多隻配方的，每隻的營養分析都唔同，你係咪個隻可防道結石，灰色個隻？

2008-08-11 16:21:31 補充：
３）你都唔知道貓貓是屬於那一隻病，抗生素係冇錯可以殺死貓貓體內的炎菌，但係唔可以一劑見效，份量也應由醫生看過才可以餵飼，而且情況嚴重，可能要打生素針的，你得咁細個，係可以去愛協申請減免的。試吓先啦，小朋友

無得諗,一定要帶佢睇醫生,最多咪係第二度慳返啲錢囉,正所謂大家都係打工仔,而家都算係糧頭,睇左先算啦,佢條命等梗你嚟救咖.

口口聲聲就話好有感情, 但就係唔想比錢, 若果真係緊張佢, 你唔食都要儲錢同佢睇醫生啦 ! 佢都好慘架啦 ! 你試下好似佢, 屙極都屙唔出, 你想唔想死 ? 唔好得把口, 快拎愛心出黎啦 !
佢好可憐呀 !!!

2008-08-12 11:42:15 補充：
原來係得十四歲, 唉 ! 我都同意佢地講, 抗生素唔好自己斷估, 亂比佢食, 因我地唔係醫生, 唔知幾多份量同次數, 博唔過囉 !!!!!

急要吸收多些水份：
1) 可用 貓罐頭 + 1倍水 混和 俾佢食
2) 可試吓用1小鐵匙羹的蜜糖 , 混和1杯暖水 , 俾貓飲

2008-08-10 22:55:37 補充：
提提你 , 唔可以餵人類吃的餸俾貓食 , 因為當中的調味料會令貓生病

2008-08-10 23:01:44 補充：
將來貓好番d之後 , 你可用貓乾糧加水俾貓吃,
=可用膠樽帶約1杯水, 貓乾糧放低後再用水淋濕 , 係逼貓吸收多些水份.
野貓肚餓 , 一般不擇食

2008-08-13 19:24:52 補充：
PRO PLAN既貓乾糧 , 係我見過的乾糧之中最咸的 , Sodium chloride =鹽 太多 , 不適合這貓

2008-08-13 19:26:11 補充：
貓糧選擇篇 (想知咩貓糧叫做好? 入黎睇下就知!)
http://www.uwants.com/viewthread.php?tid=5300767&extra=page%3D1