幾多個月開始汁走佬袋,幾多個月開始買bb床同bb車??

買BB用品,衫仔, 包被, 奶樽, 奶煲 可28週之後先至買, 床仔, 車仔果D都可睇定, 臨預產期之前個半月買

另外30週要同自己執家個走佬袋, 產婦衛生巾, 自己梳洗用品, 網褲, BB衫仔, 初生尿片, 呢個執唔齊都唔緊要, 到時先叫老公攞比你

仲有咩奶粉好d??
我自己就睇BB出世間醫院食咩奶粉, 睇下BB食左得唔得, 會唔會敏感呀, 排便情況好唔好呀, 如果唔好先幫佢轉奶粉

咩尿片好d ??
初生黎講 PAMPERS係唔錯

邊到有得買黃色鴨子用品??(除千色店)
我見吉之島同埋日本城都有

其實大肚婆..可唔可以飲可樂??
最好唔好飲啦, 汽水糖份好高, 又有化學成份, (可以用黎洗廁所), 無益架

hi~ 我個陣時你臨生前3星期先開始汁 , 慢慢唸下有咩要拎 , 寫落張紙到 , 到左差唔多就開始汁 , 唔使拎咁多野 , 到時出院好麻煩 , 又要拎bb野 (片片同濕tissue ) , 就算比晒老公拎 , 但佢始終都要照顧你同bb

bb床我生前一個月買 , 叫佢係你指定日期先送(大約生前一星期) , 咁你可以清潔下張床仔 , 話雖有老公可以做 ... 但男人... 可靠嗎 ?? 奶粉 ... 呢d見人見智 ....

走佬袋最好七個月就要執定喇，因為驚會早左出世嘛，不過就唔使執太多，最重要係產婦衛生巾、清洗傷口用品同日用品，其他用品就到八個月至九個月放落去都OK，而孕婦同BB出院既衣物就到出院前叫屋企人幫你拎都得
幾時買BB床同BB車就要睇下你屋企有冇地方放喇，因為好多時有BB展或者BB用品特價既時候，都未必同自己預產期夾到既，可能岩岩有左就見到岩，若果屋企有地方放既就緊係幾時買都冇問題啦。尤其係BB床，最好都早一兩個月放出黎散下D木/油漆味。所以一般都會係BB出世前1-2個月買定BB床
而BB車就可以到BB三個月先買都未遲，因為頭兩個月BB都係軟林林，抱住佢好似穩陣D咁。不過當然有DBB車靚D既質料好D既，岩岩出世都用得著，就要出世前買定啦。
奶粉就要睇下BB自己既腸胃喇，我果時醫院用果隻奶粉，BB食左難D便便，咁岩雀巢送左兩罐細裝比我，咁我就試下用，結果就用到而家
至於黃色鴨鴨既BB用品，除左千色店之外，日本城同吉之島都有。不過一般吉之島會貴小小，但係一到左特價既時候，有八折既話就會平過日本城好多。但係我係土瓜灣既日本城見到既BB用品仲多過吉之島，唔知會唔會間間都係喇
飲可樂，有時想飲果時真係好難忍，一兩啖當然冇問題啦，到喉都未到肺。但係始終可樂糖份又高，又有咖啡因，有有化學成份，都係盡量避免好
尿片就首選PAMPES!! 本人就真係試過晒D尿片，(日本果D除外)真係PAMPES最好，最吸尿！其他果D雖然唔會漏，但係吸得兩三次就再吸唔到，好易令PATPAT濕濕地

到接近預產期(~2星期)開始準備走佬袋, 早些買床啦, 大住個肚去選購, 始終唔多方便, 車就可以遲些, 睇下你满月用不用

鴨子用品, 吉之X, 荷花都有得賣

大肚婆都可以飲可樂, 但要走冰, 而且都係少飲好些

Pampers 最好, 但最貴

幾多個月開始汁走佬袋,幾多個月開始買bb床同bb車??
7至8個月執定啦, 因為有機會會早咗出世的。不過如果你去私家生就唔使執咁多, 因為差唔多咩都送哂俾你, 入了院才叫老公拿些日用品來就得了。

仲有咩奶粉好d??
政府好像是無得選的, 私家係自己選的。我覺得選日本奶粉或雀巢好d, 因為低敏, 即係d蛋白質經過特別處理,易吸收d。我之前唔識, 選了一隻比較"熱氣"的, 結果阿仔唔适應, 肚仔唔舒服。好驚的。

邊到有得買黃色鴨子用品??(除千色店)
上網有好多e-shop的, 平過千色店。去yahoo打"嬰兒用品"就有好多的了。有埋price可比較。

其實大肚婆..可唔可以飲可樂??
糖份高會引至妊娠糖尿, zero/健怡可能好d囉。唔好雪凍。
咩尿片好d ??
pampers/ huggies比較出名, price差唔多, 不過我覺得用咩都唔係太所謂, 最緊要唔生疹就得了。可以買d防濕疹膏。我一直有俾阿仔用, 個pat pat都好靚。

2008-08-11 15:40:25 補充：
幾多個月開始買bb床同bb車??

bb床在bb出世前買, 總之bb一回家就有床仔就好了。

bb車唔好買住, 等幾個月大至買都未遲, 因為頭幾個月除了去健康院都唔出街的。點解遲d買好?因為唔使阻地方, 而且有機會有2手貨執都唔定。bb車大少少又要換, 有2手一定要呀。