報失身份証

冇法例規定一定要去警處報失
去入境處補領身份證都唔會要求你出示報失證明

但我會建議你報失, 因為你未必咁快去辦補領身份證, 如果係補領前, 你張身份證俾人作不法用途, 到時就好難證明你幾時唔見左張身份證。

報失手續:
你只需到任何一間警署報案失就可以,去警署報失係唔駛任何費用, 只要同警察講番係邊度, 同幾時唔見左身份證就可以。補領身份證同報失係兩個地方攪

去補領身份證時，要帶定護照係身, 冇既話就最好有相片既證明文件, 如回鄉證之類, 學生的話可以帶學生證, 證明你既身份。即使唔記得拎or冇護照回鄉咭都唔駛驚, 入境處係可以根據指模記錄確認你既身份, 所需時間就會耐好多

當然你需要盡快補領身份證，只需前往香港入境事務處任何一間人事登記處已可補領，補領費用為$335。

唔見兒童身份證既, 就要出示出世紙及父母或監護人陪同才可補領
程序: 預約時間去到會派表俾你，要影相同見主任，再跟住俾錢同領臨時身份證，好快攪掂

報失係同警察報,你可以到就近警察局報案中心或者在網上報都得,而入境處係唔需要報案紙,只係帶自己本特區護照去補領身份證就得.

去差館報失，佢地會出張報失紙過你，紙上列明有效日期。你冇身份證既呢段時間，張報失紙就代替左你張身份證，唔好唔見呀！



跟手帶埋報失紙去入境處做補領手續，入境處係會發一張新既智能身份證俾你架。