酒樓擺英雄宴一問(急)!!!!

其實邊度擺都無所謂,但要清楚係"解慰酒"定係"英雄宴".
"解慰酒"--先人已完成殯葬,但後人未除孝服,傳統下要食七樣,
俗語叫"食七",菜式中必定要有,燒肉,同埋最少一樣係
齋菜.
"英雄宴"--先人已完成殯葬,後人即日除孝,傳統下要食八樣,
菜式中必定要有,燒肉,酸甜排骨,同埋最少一樣係齋菜.
仲有記住呢餐大家心情唔會好,可能胃口會差d,但係無論食剩菜有幾多,都唔好打包走.
至於價錢方面,其實千零蚊一圍咁上下啦,或者你叫酒樓部長幫你發辦都得,佢o地一般都識做.
最後都係句:節哀順變!!!!

我剛剛7 月替我爸爸辦完後事, 大部份酒家都有 英雄宴, 共 8 樣小菜, 再加, 炒飯 + 伊面+ 糖水, 生果, 一圍 hk$1888 全包宴.

你訂酒家嘅下午茶時間左右啦！辦完啱啱好都係用一圍枱起計，預先留幾張枱擺英雄宴。

價錢比一般酒席平，叫酒家提供菜餚。要留意菜式是倒轉上，先吃甜點、再上粉麵飯、魚、雞.........拼盆最後，食七款，有所謂食七咁食；是這樣越簡單越平越好的。【酒家負責人懂才識】。

有咩酒樓？間間都可以，提供食物之嘛。節哀順變噃.........