女仔衰左2安k

2安士K仔 = 56.7克. 數量唔少, 亦已經過咗藏毒罪嘅數量. 你會被控販運毒品.
根據經驗K仔純度約是60%. 即係57克K仔粉會含有約34克氯胺酮.
根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運1克或以下的冰及K仔可以藏毒為交替, 判刑由法官決定. 1-10克判監2-4年. 10-50克判監4-6年, 50-300克判監6-9年, 300-600克判監9-12年, 600-1000克判監12-14年, 1000克以上判監14年以上.
如果你過咗18歲, 你就會要坐5年監!!
但好彩你只係16歲. 作為少年犯, 你會被判入更生中心. 最多坐3年. 罰錢了事就一定無可能. 你只有認罪, 判輕d.
你個friend個媽咪既姐夫係西九總警司, 但老實講佢幫唔到你d乜嘢. 佢只可叫你認罪同請律師求情. 如果佢試圖將單案住, 就係妨礙司法公正, 連佢都會坐監. 佢又唔係你姐夫, 隔咗舞雷公咁遠嘅關係, 佢唔會咁蠢.
你去報到時警方會正式落案起訴你. 並要你上裁判法庭過堂. 由法官決定俾唔俾你擔保同埋會唔會轉你去少年法庭受審. 跟住過一排就正式審訊. 然後判刑.
有販毒案底係唔可以移民英國嘅.