MTR上庭

由於你讀短期課程，唔係讀一般既全日制學校(如大專、中學)，又冇向mtr申請學生身份，佢告你係冇正常既。
你當日俾人捉，佢應該即時發告票俾你叫你交罰款，你對於佢執法有問題，應該即時提出，而你明知有告票，你就要交罰款。你一路都冇同mtr講你既問題(如你認為自己當時係學生身份，又或者希望你經濟問題冇錢交)拖左咁耐到人地告你先發覺咁大件事。
你想大事化小，你首先應該聯絡番mtr，如果你唔夠16歲，更加應該叫父母出面，話你細路人唔識野，念在初犯，應該罰錢了事。如果你已經係成年人，你就要自己搵番mtr，問下點樣庭外和解，最基本$500蚊係俾硬，但應該mtr已經計左你利息，你唔想上庭就一定要俾埋利息，否則mtr係一定照告你，到時你留番同官講啦。
我勸你做人唔好逃避，要即刻做野，否則你咁冇誠意，mtr就唔同你客氣架啦。