係中一果時就識到唔少朋友,但係d朋友話我太認真,同我玩唔起,所以就唔同我做朋友...
我的朋友就一個比一個少了...
到左中二,老師搵我做prefect,要將違反校規的同學放俾訓導老師,..
其實我真係唔想捉佢地,但係我望住佢地犯規,我真係過唔到自己果關呀...
我覺得好難過,我真係唔知可以點做...
我記得有一次,有個同學做出d好危險的動作,..我立即上前阻止...
之後老師問我咩事,我只好如實作答,之後就開始俾人杯葛了,...一直杯葛到中二的結業
我係屋企同家人的關係唔係太好,因為細個果時我呀爸常日打我/鬧我,我呀媽就常日做野唔理我,..之後我呀媽俾人炒左,留係屋企既時間多左...就見到我常日俾我呀爸打,就阻止我呀爸...點知我呀爸連佢都打埋,於是佢決定帶我走喇...
(後補...)
佢帶我走果年,係我中一果時,.. 無論係校園生活定係家庭生活,我都好開心...但中一下學期的時候,我同我呀媽的關係開始變差了,晚晚都係咁鬧交... 因為佢同我呀爸好番喇,佢要我係暑假果時同佢返去我呀爸度住!
返到去我呀爸度住,我覺得好大壓力,什至想自殺... 因為我已經當我呀爸係仇人! 佢根本唔尊重我,佢不連咁翻閱我房裡面既書/物品,..將所有野整到亂晒 又想check我電話,但係我電話連沖涼都放係隔離,訓教果時用passworks lock住,所以佢睇唔到 之後佢迫我開個電話俾佢睇,我唔肯,佢就收左我電話 (我呀爸係我好細過果時就常日都飲酒,但係我覺得佢唔係醉...)
跟住我細個日日俾人打,俾人鬧的片段突然間係我腦海裡面出番晒黎,.. 我真係好驚 所以就唔想返屋企,..於是同班主任講,班主任就同學校社工講, 點知第一晚學校社工話要我返屋企,因為冇地方俾我住,,, 果晚返到屋企,我驚到訓唔著,不停咁係度pray...我呀爸係咁係廚房"訂"野 之後我被安排去向晴軒住...住左兩個星期 我呀爸係都要我返屋企,但係我死都唔肯...於是佢報警,警察黎到送左我去向晴軒
跟住去左教會朋友度住,之後去婆婆度住... 但係要寄人籬下,..唔多唔少要受人氣,而且佢地一個二個都覺得我唔返屋企唔好,所以大家都唔鍾意我... 我呀媽唔俾我去圖書館溫書,但係我要去圖書館先溫到書(我溫書要好靜好靜),之後d成績一路退步... 我呀媽每個星期日去婆婆屋企食飯就係咁lau我,之後其他人又係咁lau我... 因為我星期日先見到我媽,所以d回條就簽唔到...(婆婆又唔肯幫我簽)所以搞到班主住都好唔鍾意我...
我學校得一班friends,佢地係中六既,..但係佢地有佢地的生活,唔係可以常日陪我 (而且,佢地大部分都係尖子,黎緊會升讀大學...) 我好怕孤獨,所以我去識網友...都幾開心架~(不過我都有d驚危險) 不過,係學校真係好孤獨呀...今年係原班升,係返上年果班同學,咁即係要再俾人杯喇... 我可以點做呀?
唔做prefect得唔得> 但係老師希望我做,佢話我做都係為左同學好,咁我係唔係要犧牲同同學的關係呀? 有冇方法可以又做prefect,又同同學的關係好呢? 我真係唔枇到中六畢業果時得自己一個呀... 幫幫忙
我呀爸唔俾我參加自己鍾意既課外活動,佢打電話去學校cut晒
