✔ 最佳答案
你可以申請讀屯門IVE建造工程系o既「市區重建、屋宇檢驗及修護高級文憑」(Higher Diploma in Urban Renewal, Building Inspection and Maintenance)，我知道呢科依家仲有幾個後補位，不過係先到先得，幾多分遲o左去都未必會有位。
你毅進畢業等同會考有五科合科(包括英文同數學)，唔洗讀基礎文憑，因為基礎文憑都係等同會考有五科合科。
你以毅進畢業o既成績，可以申請直入二年級，即係話讀3年就畢業。
介紹原因:
1. 易入大學
今年屯門IVE建造工程系o既畢業班未考畢業試已經有好多同學有本地大學俾有條件取錄佢地，全部都係政府資助o既大學學位(唔係冇資助o個o的)，有o的入CITYU年級，有o的入POLYU，有o的入UST。今年已經有半班畢業同學收到本地大學的Degree o既offer。
2. 出路好
今年好多大型工程就o黎上馬，包括添馬艦，西九，舊機場，觀塘重建，依家立法會仲通過埋強制驗樓計劃等等。起o的私人承建商度可以做工程助理或者助理工程師。今年政府請番公務員，建造工程系o既高級文憑入職建築署/屋宇署/房屋署o既技術主任或者工程監工職位，月薪萬幾起。
由於後補階段，補申請會係先到先得，所以12號一定要早o的去到ive！！！！
不過如果你對建築冇興趣就無需考慮。
2008-08-09 14:47:58 補充：
市區重建、屋宇檢驗及修護高級文憑
是4年制嗎?
答: 係，不過因為你毅進畢業等同會考有五科合科(包括英文同數學)，可以申請直入二年級，即係話讀3年就畢業。
所有科目都是先到先得的嗎? 係咪一定會收?
答:唔係所有科目都仲有學位剩。所以有o的科去到都未必有位。
12號 侯補應該幾點去到排隊呀- . -
洗唔洗早一日去排
答: 12號下午3點開始收生，早ｏ的排定隊，一收滿就唔會再收。
去到既程序係點?去到要再拎表填??
答: 我估會有form填，o的職員會俾你。帶你毅進o既成績去啦。
