我隻烏龜一個星期沒有食野,點算好?

justinkay2005

2008-08-09 5:33 pm

隻龜buy左2個星期,頭一個星期都唔會唔食野,但最近隻龜唔食野~但另外比較細的龜又唔會唔食,現在隻龜可能病左,好瘦,牠成日處於睡眠狀態,一些反應都無,手腳頭好似無力咁,間唔中會"打瞌睡",伸到條頸長一長,張開個口,好似咆哮咁,好可憐!!

牠好似就黎死,有什麼辦法幫隻龜?
同埋會唔會本身買番黎已經係病龜?

回答 (4)

深紫

2008-08-12 6:39 pm

✔ 最佳答案

有就好大可能係呼吸道疾病，呼吸道疾病嚴重都會變肺炎。

唔食野喂葡萄糖粉係好方法，葡萄糖粉係一般藥房或萬寧有盒裝約十幾至廿幾元，可補充龜既體力，增強抵抗力。

如果真係肺炎，一定要睇醫生打針，可以去大圍有間專醫爬蟲類既診所。不過如果你隻龜係BB龜或很細隻的話，其實睇左醫生都係無用，因為太細隻根本打唔到針架。

本身買番黎都可能已經係病龜，下次買龜注意以下幾點﹕

係金魚街買龜一般都唔好去個D放到D龜好似好靚、一格一格甘又俾D龜狂照燈果D店到買，佢地放到甘靚，只不過想吸引你，狂照燈就連病龜都看似好活潑啦，又唔可以俾你拎上手慢慢選，而且有D仲會比其他貴D添。最好就去個D淨係揾個膠盆放龜既，要有放水，又可以俾你拎上手慢慢選果D店。

係買巴西龜時要注要幾點﹕
1.最好選一堆龜上的頭幾隻，通常身體會比較好。
2.留意巴西龜的眼睛，選淨大眼睛的，眼睛要精靈，不可有白漠的東西。
3.查看鼻子有無水狀或膠狀物，以及有冇常用口呼吸。
4.個殼摸上去要硬，冇缺口，殼最好深色D，但如果你可提供曬太陽的機會，其實深淺不重要。
5.如果許可，把龜反轉，越快反回就代表越健康，不反的不要選。
6.歡察龜多不多動，游泳時有冇側身，手腳有冇傷，身體有冇發漲。
7.拿起時手腳有冇快速縮回後掙扎，這代表是精靈龜。
8.當然要合眼緣啦。

網上有好多人都話買龜時可要店員餵食，看那隻會最快爭食，雖然方法係OK，但一日有成幾十人買龜，龜咪要食幾十餐，而且好多時D店員都唔會甘做。

有問題可到我Blog留言:
http://hk.myblog.yahoo.com/terrapins-world

參考: 自己經驗，絕無抄襲成份

👍 0 👎 0