紅耳巴西龜病左?[20點]

個口成日張開係呼吸道發炎, 嚴重會變肺炎, 一定要打抗生素, 皮下水同維他命, 再加電解液來刺激食慾受補充營養, 因佢絕食會無唒抵抗力, 會好易病同死, 要吊住條命,才夠時間拯救佢, 一定唔駛旨意係街買支廿五蚊的龜精靈可以攪掂, 諗都唔駛諗, 雖然佢隻眼係發緊炎, 初發係可以浸龜精靈, 但呼吸道發炎係唔可以, 所以只可以帶佢去大圍珍禽打針, 而且殼同甩皮反映出佢唔夠營養, 抵抗力自然低, 仲加埋兩樣病, 佢都好辛苦了.
水到腳仔就夠, 比石春等佢唔駛24 小時長浸屎尿, 一日換三次水, 成日浸住一定病, 隔日用牙刷刷缸同石春, 細菌多必然病 ,勁唒太陽可增強鈣質同維他命, 令殼, 皮膚都更健康, 唔會成日甩皮.

記住依家最緊要係打2687 1030 預約打針, 唔好得個問字, 只係拖延時間. 因只有醫生可同佢打針, 網友再講都係唒氣, 唒時間.

2008-08-09 12:24:03 補充：
鹽水只係無事個陣用來消下毒, 依家病到九彩就唔好唒時間啦 ! 你一定會後悔.

你睇吓佢游水會唔會側身，有就好大可能係肺炎，冇就可以暫時放心，應該係由感冒引起既呼吸道疾病，不過呼吸道疾病嚴重都會變肺炎。

普通呼吸道疾病可以試下下面的方法，我親身試過真係掂。
首先餵葡萄糖水俾佢補充體力，增強抵抗力，吊住條命仔。之後餵大約8-12羹維他命C俾佢（羹以快餐店奶茶羹為單位，維他命C用兒童維他命C沖劑開水後再大稀釋，稀釋比例無一定標準）。平日亦要多曬太陽殺菌和每天用鹽水徹底消毒缸。亦可考攄用把1滴龜精靈落入1000ml水弄稀作浸療，但這效用不會太大，但可作保健預防用途，因我隻龜龜每次感冒不久就起眼炎，我也不知道為甚麼。大約2個多星期後肯食返野就停止餵葡萄糖水和維他命C，照平常餵野食俾佢就OK。

如果真係肺炎，一定要睇醫生打針，可以去大圍有間專醫爬蟲類既診所。不過如果你隻龜係BB龜或很細隻的話，其實睇左醫生都係無用，因為太細隻根本打唔到針架。

喂藥須知可參考 = http://hk.myblog.yahoo.com/terrapins-world/article?mid=29

蝦乾是巴西龜愛吃的東西，但營養不是太足，最好蝦乾中夾雜D龜糧。龜糧一般在$15以上都算好的，不要買太平的，因那些只有飽肚而沒有提供營養的作用。唔食野喂葡萄糖粉係好方法，葡萄糖粉係一般藥房式萬寧有盒裝約十幾至廿幾元，可補充龜既體力，增強抵抗力。

水深約到腳仔、溫度約在23-32度左右。


有問題可到我Blog留言:
http://hk.myblog.yahoo.com/terrapins-world

你有冇日日換水呀,食野之後要換,水浸過腳,不要浸過背,否則會細箘感染倒隻眼,一般食龜糧,隔日餵,唔食野一兩星期冇問題,你開D粗鹽水佢地浸下,1比30份浸過背,每日3-4小時,試一星期睇下,一定要間中曬太陽

第二隻有機會患皮膚病，這種龜聽講講要晒太陽,家居養就照燈.我建議你帶它看獸醫
龜病與食物或水深未必有關
有病的龜要隔離