2天和歌山白濱如何遊覽?

✔ 最佳答案

1) 這個我不太清楚, 不過除左白濱站外, 新湯崎個案内所都有得賣, 想穩陣 d 可以第二日先買

2) 對, 新湯崎站一落車就會見到梅樽.
你那個 url 的時間表是由白濱站開車的時間, "XXゆき"係指佢去到邊個站為止. 如果係大約 5 點去到~ 可以趕 17:11 或 17:26"三段壁ゆき" 0個班巴士
又或者可以坐免費接駁巴士~ 最夜0個班去到 17:30
個站就在正JR白濱外面, 上車時個司機會 MARK 底你去邊間酒店, 送到酒店門口仲會話你知要落車啦~~
http://www.shirahama-ryokan.jp/bus/index.html

3) 海中展望塔営業時間 7:00～18:00(夏期) / 8:00～17:30(冬期)
所以第一晚係去唔到 GA 啦.
其實大阪落白濱要坐咁耐車都幾攰, 食完飯浸下溫泉 hea 下, 早 d 休息第二日早 d 出發仲好

4) 可以~ 交通方面巴士已經足夠
假設九點出發, 建議一早可以先去海中展望塔, 因為就在梅樽隔離, 之後坐巴士去三段壁, 沿海邊行返上黎千疊敷 > 白良濱就大約一個鐘左右
行完白良演在附近的白浜ﾊﾞｽｾﾝﾀｰ坐巴士去 tore tore 早上~中午呢段時間去可以睇下人擋魚~~ 睇岩 d 咩海鮮即買可以在市場外面有間 bbq 度即食~~ 食完 lunch 之後先開始慢慢行買下手信, 之後去坐巴士睇圓月島日落.
不過有一樣野要注意, 就係日本夏季日落時間大約6點半, 冬天 4點半
,而去圓月島 (臨海站) 要坐"町内循環線"先去到, 而呢條線最後一班車在臨海開出大約係 16:55 分, 所以如果唔係冬天的話好大機會睇完日落係冇車坐, 最近沿海行返出去白浜ﾊﾞｽｾﾝﾀｰ大約1.5km, 半個鐘左右
不過我有朋右就試過咁岩遇到 d 當地睇日落的人~~ 對方都願意車佢出巴士站, 如果遇到的可以試下問問無防~~

5) 和歌山城在和歌山市內, 和白濱離很遠, 坐 JR 特急都要成粒半鐘, 一來一回淨係坐車都冇左三個鐘.
如果係想去的建議白濱返大阪0個日去. JR 白濱 > JR 和歌山 > 和歌山城 > JR 和歌山 > JR 大阪咁去
如果怕行李太多可以方車站 locker
我見你話由 jr 天王寺落咁即係唔係第一日到日本就直落白濱啦? 如果去白濱對和去完白濱後都係住同一間酒店的話, 可以問問酒店方面能否幫你 keep 幾日行李, ok 的話唔會用到 ge 野放行李箱 keep 在酒店, 只帶 3 日2 夜換洗衫同日用品~ 會方便好多

6) 動物園我自己沒去過, 不過聽朋友講大約就2~3個鐘都夠行
所以其實如果你在 tore tore 唔係用左太多時間, 去埋都仲 ok !

7) YES~~ 如果你走0個日唔去和歌山城就係 JR 白濱 > JR 天王寺 > JR 大阪
http://www.ekikara.jp/
呢個網站只要輸入出發站&目的地車站 (所有鐵路)可以 check 到車費. 時間同埋要點轉車~~ 白浜

另外有一樣野要注意就係如果你坐 JR 唔係坐特急的話 (即係除左基本車票之外仲要另外比多千幾 yen 0個隻車票) d 時間要預得好準, 因為只有特急先會一車直接由天王寺去到白濱, 如果唔係中途要轉幾次車, 因為唔係市區, 一 miss 左一班車就要等成粒鐘先有下一班車(個人經驗談 = =;;;;;) , 加上細站月台唔會有 lift... 拎住行李 d 時間要再預鬆 d

岩岩睇過白浜個網站~
如果你係最近去的話可以睇下預唔預岩個煙花大會 ^___^
http://www.nanki-shirahama.com/event/index.html

回答 (2)