公屋入息申報

因為佢無寫明填幾時既入息....其實有寫明架，係份表後面果d細細粒的備註到，通常都係上個財政年度，如：2007年4月1日 至2008年3月31日。期間內之平均工資。

其他問題，唔好意思，我都唔識，不過如果我係你，就會快d寫封信去，話佢知發現之前唔小心填錯資料 / 計錯數之類，再比番果正確的數目，費時房署告你，話你故意虛報資料，到時仲麻煩。

好似以上個位人士所講，申報入息個份表係有寫明要填係邊段時期既入息。
既然房署已經寄左信去你公司，咁你應該好大機會俾佢發現你申報的入息與僱主提交的有所不同。除非你個老闆好人到陪你一齊呃房署，否則房署一定會查到。
房署一般都會抽樣調查住戶所申報的入息，當然有懷疑所以查你係唔出奇。但既然你都知道填錯就唔好俾佢再錯落去。
你都係盡快與房署聯絡番，話你而家知道報錯左d講料，總之你態度好，又快交番齊d野，最多只係發警告信，否則真係會告你，到時唔單止罰錢，仲會坐監。
房屋署發言人提醒公屋租戶必須如實填報資料。房屋條例要求公屋租戶呈報各項有關資料，若租戶明知而作出虛假陳述，即屬犯法，一經定罪，最高可判罰款港幣五萬元及監禁六個月。若有因此少收租金，法庭可依例加罰少收租金的三倍罰款。